Халқ депутатлари Наманган вилояти Кенгаши котибияти мудири Т. Гаппаров, вилоят Кенгаши депутатлари Р. Туйчиев ва Д. Даминов ҳамда Норин туман Кенгаши раиси М. Режабовлар томонидан Норин тумани маданият бўлими тасарруфидаги “Санат гулшани” маданият марказида ўрганиш ишлари олиб борилди.

Ўрганиш давомида маданият марказининг фаолияти, аҳолига маданий хизмат кўрсатиш сифати, тўгараклар ва маданий тадбирларни ташкил этиш ҳолати атрофлича кўриб чиқилди. Шунингдек, муассасанинг моддий-техник базаси ҳамда маданият марказини замонавий техник воситалар билан таъминланганлик даражаси ўрганилди.

Ўрганиш жараёнида аниқланган айрим камчиликлар ва мавжуд муаммоларни бартараф этиш, маданият муассасасининг моддий-техник имкониятларини янада яхшилаш, аҳоли, айниқса ёшларнинг маданият ва санъатга бўлган қизиқишини ошириш бўйича тегишли таклиф ва тавсиялар ишлаб чиқилди.