🗓 2026-yil 20-may kuni Xalq deputatlari Shovot tumani Kengashi deputati tomonidan tuman Ichki ishlar bo‘limi boshlig‘i O. Masharipov nomiga deputat so‘rovi yuborildi.
⚖️ Mazkur so‘rov O‘zbekiston Respublikasining “Mahalliy davlat hokimiyati organlari faoliyati takomillashtirilishi munosabati bilan ayrim qonun hujjatlariga o‘zgartirish va qo‘shimchalar kiritish to‘g‘risida”gi O‘RQ–1109-sonli Qonuni, “Huquqbuzarliklar profilaktikasi to‘g‘risida”gi O‘RQ–371-sonli hamda “Yo‘l harakati xavfsizligi to‘g‘risida”gi O‘RQ–900-sonli qonunlar talablari asosida yuborildi.
🚔 So‘rovda hududda qonuniylikni ta’minlash, huquqbuzarliklarning oldini olish hamda yo‘l harakati xavfsizligini mustahkamlashga qaratilgan hududiy dasturlar ijrosi masalalari ko‘tarilgan.
📊 Xususan:
• huquqbuzarliklar profilaktikasi va yo‘l harakati xavfsizligiga oid hududiy dasturlarni ishlab chiqish va ularni Xalq deputatlari tuman Kengashi muhokamasiga kiritish bo‘yicha amalga oshirilayotgan ishlar
• bugungi kunga qadar bajarilgan ishlar yuzasidan batafsil hisobot
• ishlab chiqilgan “yo‘l xaritasi” va chora-tadbirlar rejalarining tasdiqlanishi hamda ularning ijrosi
yuzasidan ma’lumot taqdim etilishi so‘ralgan.
⚠️ Shuningdek, “Ma’muriy javobgarlik to‘g‘risida”gi Kodeksning 193-moddasiga muvofiq, deputat so‘rovini ko‘rib chiqmaslik yoki unga asossiz javob bermaslik mansabdor shaxslarga nisbatan javobgarlik keltirib chiqarishi mumkinligi eslatib o‘tilgan.
✍️ Deputat so‘rovi Xalq deputatlari Shovot tumani Kengashi deputati
Babajanov Jamolbek Jumabayevich tomonidan imzolangan.