O‘zbekiston Respublikasi Prezidentining PQ-316-sonli qaroriga muvofiq 5-may — “Kasb va mehnat kuni” munosabati bilan Qoraqalpog‘iston Respublikasi pedagogika texnikumida bayram tadbiri tashkil etildi.

Tadbirda Taxiatosh tumani hokimi I.Sdikov, Xalq deputatlari Taxiatosh tumani Kengashi raisi R.Xidirbayev, Kengash kotibiyati mudiri A.Matniyazov, ichki ishlar bo‘limi boshlig‘i Sh.Ismoilov, tuman soliq inspeksiyasi boshlig‘i K.Daniyarov, hamda korxona va tashkilotlar vakillari ishtirok etib, yoshlarga kasb tanlash bo‘yicha tavsiyalar berdilar.

Tadbir doirasida “Kasblar ko‘rgazmasi” o‘tkazilib, o‘quvchi-yoshlar va ota-onalar texnikumda tayyorlanayotgan yo‘nalishlar, amaliy ko‘nikmalar hamda zamonaviy kasblar bilan yaqindan tanishdilar.

Bayram dasturi texnikum o‘quvchilarining kuy-qo‘shiqlari va raqslari bilan yanada fayzli o‘tdi.