Ushbu axborot uchrashuvi Shayxontohur tumanidagi “Katta Oqtepa” mahalla fuqarolar yigʻini binosida boʻlib oʻtdi. Unda tuman deputati, mahalla fuqarolar yigʻinlari faollari va fuqarolar ishtirok etishdi.

Deputat xalq vakillari ishtirokidagi axborot yigʻilishida ijtimoiy-iqtisodiy sohalarda va fuqarolar bilan ishlash yuzasidan amalga oshirilgan ishlar, qabul qilingan qarorlar hamda kelgusidagi rejalar haqida batafsil axborot beri.

Xususan, 4 marotaba fuqarolar qabullari tashkil etilganligi, 1 marotaba nazorat tadbirlarida ishtirok etganligi, 2 marotaba doimiy komissiya va 6 marotaba sessiya ishlarida ishtirok etib, “Yashil makon” dasturi loyihasini amalga oshirishda takliflari bilan ishtirok etganligi haqida aytib oʻtdi.

Bundan tashqari, yigʻilish davomida fuqarolarni qiynayotgan dolzarb masalalar — yoʻllar holati, kommunal xizmatlar, ish bilan taʼminlash va yoshlar masalalari muhokama qilindi. Fuqarolar oʻz taklif va murojaatlari bilan faol ishtirok etdishdi.

Deputat K.Xursanov tomonidan barcha murojaatlar qayd etildi va ularni hal etish boʻyicha tegishli choralar koʻrilishi taʼkidlandi.

Uchrashuv yakunida deputat K.Xursanov tomonidan aholi vakillari bilan bunday ochiq muloqotlar hamkorlikni mustahkamlashda muhim ahamiyatga ega ekanligi taʼkidlab oʻtildi.