Yoshlar yetakchisi faoliyati o‘rganildi

Xalq deputatlari O‘rta Chirchiq tumani Kengashi deputati A.Altinov nomidan tuman Kengashi kotibyati bosh mutaxassisi Sh.Eshov tomonidan Qaytmas mahalla fuqarolar yig‘inida yoshlar yetakchisining faoliyati o‘rganildi.

O‘rganish davomida mahalladagi yoshlar bilan ishlash tizimi, ularning muammolarini aniqlash va hal etish, bo‘sh vaqtlarini mazmunli tashkil etish hamda yoshlarning iste’dod va qobiliyatlarini ro‘yobga chiqarish borasida amalga oshirilayotgan ishlar ko‘rib chiqildi.

Yoshlarni sport, madaniyat va san’atga keng jalb etish, ularning bandligini ta’minlash, tadbirkorlik tashabbuslarini qo‘llab-quvvatlash hamda ijtimoiy faolligini oshirish masalalariga alohida e’tibor qaratildi.

O‘rganish jarayonida yoshlar bilan manzilli ishlash, ularning taklif va tashabbuslarini qo‘llab-quvvatlash, mavjud muammolarga o‘z vaqtida yechim topish hamda yoshlar yetakchisi faoliyatini yanada takomillashtirish yuzasidan fikr almashildi.

Yoshlar bilan ishlash samaradorligini oshirish, ularning huquq va manfaatlarini himoya qilish hamda kelajak avlod uchun keng imkoniyatlar yaratish deputatlik nazoratining muhim yo‘nalishlaridan biri hisoblanadi.

✅Xalq deputatlari O'rta Chirchiq tuman Kengashi kotibiyati axborot xizmati!