YOSHLAR BANDLIGINI RAG‘BATLANTIRISH VA ISH BERUVCHILAR UCHUN IMTIYOZLAR — O‘RGANISH JARAYONIDA

👥 Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining tomonidan yoshlar bandligini ta’minlash, ularni doimiy ish bilan ta’minlashga ko‘maklashish hamda ish beruvchilar uchun yaratilgan imkoniyatlar samaradorligini o‘rganishga qaratilgan ishlar olib borilmoqda.

🌐 O‘rganish doirasida O‘zbekiston Respublikasi Vazirlar Mahkamasining 2021-yil 24-iyuldagi 460-son qarori bilan tasdiqlangan, 25 yoshdan oshmagan xodimlar uchun to‘langan ijtimoiy soliq summasini davlat budjetidan qoplab berish tartibi tahlil qilinmoqda.

🌐 Deputatlar quyidagi masalalarga alohida e’tibor qaratadi:
✅ Yoshlarni ish bilan ta’minlash va doimiy bandligini oshirish holati;
✅ Ish beruvchilar uchun amalda mavjud imtiyoz va qo‘llab-quvvatlash mexanizmlari;
✅ Soliq hisobotlari va ijtimoiy soliq to‘lovlarining qonunchilikka muvofiqligi;
✅ Tadbirkorlar duch kelayotgan muammolar va ularning yechimlari;
✅ Mas’ul tashkilotlar hamkorligi hamda amalga oshirilayotgan ishlarning natijadorligi.

✅ Shuningdek, 460-son qarorda belgilangan vaqtinchalik tartibning amal qilish muddati 2025-yil 1-yanvargacha etib belgilanganligi inobatga olinib, bugungi kunda amalda bo‘lgan huquqiy asoslar va imtiyoz mexanizmlari ham aniqlashtiriladi.

✅ Asosiy maqsad — yoshlar bandligini ta’minlashga qaratilgan chora-tadbirlar samaradorligini baholash, ish beruvchilar uchun mavjud imkoniyatlarni aniqlash va aniqlangan muammolar yuzasidan tegishli takliflar ishlab chiqish.