YOSHLAR BANDLIGINI TA’MINLASH — USTUVOR VAZIFA
Tuman Kengashi deputati M.Pardayeva tomonidan Taraqqiyot mahallasida mahalla yettiligi bilan hamkorlikda yoshlar muammolarini o‘rganish, bandligini ta’minlash, mavjud muammolarga yechim topish maqsadida xonadonbay, ko‘chama-ko‘cha o‘rganish ishlari olib borildi.

O‘rganishlar davomida ishsiz va ta’lim muassasalarini tamomlagan yoshlar bilan muloqot qilinib, ularning kasbiy ko‘nikmalari, qiziqishlari, ishga joylashish istaklari o‘rganildi. Suhbatlar jarayonida yoshlarni mutaxassisligi va salohiyatiga mos ish o‘rinlariga yo‘naltirish, kasb-hunarga o‘rgatish, tadbirkorlik faoliyatini yo‘lga qo‘yish orqali doimiy daromad manbaiga ega bo‘lishlariga ko‘maklashish masalalariga alohida e’tibor qaratildi.
Mahalla yettiligi bilan hamkorlikda har bir yoshning muammosiga individual yondashish, ularning bandligini ta’minlash bo‘yicha aniq chora-tadbirlarni belgilash va mavjud imkoniyatlardan samarali foydalanish yuzasidan vazifalar muhokama qilindi.