📌 AYTИM MAHALLASIDA XOTIN-QIZLAR FAOLI TOMONIDAN AMALGA OSHIRILAYOTGAN ISHLAR O‘RGANILDI

Xalq deputatlari Uchquduq tuman Kengashi 11-Geologlar saylov okrugi deputati A.Hamidov tomonidan Aytim mahalla fuqarolar yig‘inida xotin-qizlar faoli tomonidan amalga oshirilayotgan ishlar samaradorligi o‘rganildi.

🔎 O‘rganishdan ko‘zlangan asosiy maqsad — mahallada xotin-qizlar bilan ishlash tizimining holatini tahlil qilish, ularning muammolarini aniqlash va hal etish borasida olib borilayotgan ishlar, shuningdek, ijtimoiy himoyaga muhtoj ayollarni qo‘llab-quvvatlashga qaratilgan chora-tadbirlar bilan yaqindan tanishishdan iborat.
👩‍💼 O‘rganish davomida xotin-qizlar faoli tomonidan mahalladagi ayollar bilan olib borilayotgan muloqotlar, ularning murojaatlarini o‘rganish, oilaviy va ijtimoiy muammolarini aniqlash hamda tegishli tashkilotlar bilan hamkorlikda hal etish bo‘yicha amalga oshirilayotgan ishlar yuzasidan ma’lumotlar ko‘rib chiqildi.

💼 Xotin-qizlar bandligini ta’minlash masalasiga ham alohida e’tibor qaratildi. Jumladan, ishsiz xotin-qizlarni aniqlash, ularni kasb-hunarga o‘rgatish, doimiy yoki mavsumiy ish bilan ta’minlash, tadbirkorlik faoliyatini yo‘lga qo‘yishga ko‘maklashish hamda mavjud imkoniyatlardan samarali foydalanish masalalari muhokama qilindi.

🤝 Shuningdek, ijtimoiy ko‘makka muhtoj, boquvchisini yo‘qotgan, nogironligi bo‘lgan farzandlarni tarbiyalayotgan va og‘ir ijtimoiy vaziyatga tushib qolgan xotin-qizlarni qo‘llab-quvvatlash, ularning muammolariga individual yondashish hamda ehtiyojmand oilalarga manzilli yordam ko‘rsatish borasidagi ishlar muhim yo‘nalishlardan biri sifatida qayd etildi.

📋 Deputatlik nazorati doirasidagi o‘rganishda xotin-qizlar faoli faoliyatida hujjatlarning yuritilishi, murojaatlar bilan ishlash, aniqlangan muammolar bo‘yicha tegishli tashkilotlarga yo‘naltirish hamda muammolar yechimi yuzasidan amalga oshirilayotgan ishlarning izchilligiga ham e’tibor qaratildi.
✅ O‘rganish yakunida xotin-qizlar bilan ishlash samaradorligini yanada oshirish, ularning bandligini ta’minlash, ijtimoiy himoyaga muhtoj ayollarni qo‘llab-quvvatlash va mavjud muammolarni o‘z vaqtida hal etish yuzasidan tegishli tavsiya va vazifalar belgilab olindi.

📍 Xotin-qizlarning huquq va manfaatlarini himoya qilish, ularni har tomonlama qo‘llab-quvvatlash hamda mahallalarda aholi muammolarini manzilli hal etish deputatlik nazoratining muhim yo‘nalishlaridan biridir.