Xalq deputatlari Arnasoy tuman Kengashi deputati U. Qo‘qonov ekspert guruhi a’zolari bilan birgalikda tuman tibbiyot birlashmasida kuz-qish mavsumiga tayyorgarlik holatini o‘rganish maqsadida muassasaga tashrif buyurdi.

O‘rganish davomida tibbiyot birlashmasining sovuq mavsumda uzluksiz faoliyat yuritishini ta’minlash borasida amalga oshirilayotgan ishlar, muassasaga olib kelingan ko‘mir zaxirasi va uning sifati, shuningdek, isitish pechlarining texnik holati hamda foydalanishga tayyorligi ko‘zdan kechirildi.

Shu bilan birga, tibbiyot muassasasida zarur harorat sharoitlarini yaratish, isitish tizimlarining samarali va barqaror ishlashini ta’minlash, mavjud yoqilg‘i zaxiralaridan oqilona foydalanish hamda mavsum davomida yuzaga kelishi mumkin bo‘lgan muammolarning oldini olish masalalariga e’tibor qaratildi.

Tibbiyot muassasalarining kuz-qish mavsumiga puxta tayyorgarlik ko‘rishi bemorlar uchun qulay sharoit yaratish, tibbiyot xodimlarining faoliyatini uzluksiz tashkil etish va aholiga sifatli tibbiy xizmat ko‘rsatishda muhim ahamiyatga ega.

Mazkur yo‘nalishda mavjud holatni joyida o‘rganish, aniqlangan masalalarga tegishli tartibda e’tibor qaratish hamda mavsumiy tayyorgarlik ishlarining borishini nazorat qilishga alohida ahamiyat berilmoqda.