Xalq deputatlari tuman Kengashining 2026-yilga mo‘ljallangan ish rejasiga muvofiq Kengash kotibiyati mudiri J.Sadirov tomonidan tumanning “Iskandar” mahallasida aholi ehtiyoji uchun zarur bo‘lgan obyektlarni joylashtirish bo‘yicha taklif joyiga chiqqan holda o‘rganildi.

🔵O‘rganish jarayonida mahalla raisi hamda mahalla faoli ishtirokida mahalla fuqarolar yig‘ini binosi, maktabgacha ta’lim tashkiloti, oilaviy shifokorlik punkti, umumta’lim maktabi, maishiy xizmat ko‘rsatish majmuasini tashkil etish bo‘yicha takliflar hamda ushbu obyektlarni joylashtirish bo‘yicha imkoniyatlar tahlil qilindi.

Taklif etilayotgan obyektlarning mahalla aholisi uchun amaliy ahamiyatiga alohida e’tibor qaratildi.

Xususan:
mahalla fuqarolar yig‘ini binosining mavjudligi aholi bilan ishlash, fuqarolar murojaatlarini ko‘rib chiqish va mahalladagi tashkiliy masalalarni samarali hal etish uchun qulay sharoit yaratishi;

maktabgacha ta’lim tashkiloti va umumta’lim maktabini tashkil etish esa hududdagi bolalarning ta’lim olishi uchun qulay sharoit yaratish, ularning ta’lim muassasalariga qatnashidagi masofani qisqartirish;

oilaviy shifokorlik punktini tashkil etish aholiga birlamchi tibbiy xizmatlarni yaqin hududda ko‘rsatish, ayniqsa, keksa fuqarolar, bolalar va tibbiy xizmatga ehtiyoji bo‘lgan aholi qatlami uchun qulaylik yaratish;

maishiy xizmat ko‘rsatish majmuasini tashkil etish bo‘yicha taklif ham aholi uchun kundalik xizmatlarni mahallaning o‘zida olish uchun imkoniyat yaratishi nuqtai nazaridan o‘rganildi.

🔵Deputat tanlangan yer maydonlarida belgilangan maqsadlarda foydalanish, obyektlarni joylashtirish masalasini mutasaddi tashkilotlar bilan kelishish va kelgusida zarur chora-tadbirlarni belgilash bo‘yicha takliflar bildirdi. O‘rganish yakunlari bo‘yicha mazkur masalalarni hal etish yuzasidan tuman hokimligiga deputatlik so‘rovi yuborish belgilandi.