Xalq deputatlari Qo‘qon shahar Kengashi deputati Sh.Rasulova tomonidan o‘z saylov okrugi hududidagi 16-sonli maktabgacha ta’lim tashkilotida kuz-qish mavsumiga tayyorgarlik holati o‘rganildi.

O‘rganish davomida maktabgacha ta’lim tashkilotining kuz-qish mavsumida uzluksiz faoliyat yuritishi uchun amalga oshirilgan tayyorgarlik ishlari, xususan, isitish tizimi va qozonxonaning mavsumga tayyorlik holati ko‘zdan kechirildi.

Mazkur MTT davlat-xususiy sheriklik (DXSh) asosida ko‘mir yoqilg‘isi yordamida isitiladi. O‘rganish davomida isitish tizimi hamda qozonxona kuz-qish mavsumiga tayyor holatga keltirilgani aniqlandi.

Shuningdek, muassasada mavsumni barqaror o‘tkazish uchun ko‘mir yoqilg‘isi zaxirasini shakllantirish masalasiga ham e’tibor qaratildi. Hozirgi kunda tashkilotda 10 tonna ko‘mir yoqilg‘isi zaxirasi mavjud bo‘lib, qo‘shimcha ko‘mir yetkazib berish bo‘yicha buyurtma berilgan.

Qo‘shimcha yoqilg‘i zaxirasini yaratish maqsadida ko‘mir yetkazib berishni davom ettirish bo‘yicha tegishli ishlar olib borilmoqda. Bu esa kuz-qish mavsumida ta’lim-tarbiya jarayonining uzluksizligini ta’minlash uchun zarur yoqilg‘i zaxirasini shakllantirishga qaratilgan.

Xalq deputatlari Qo‘qon shahar Kengashi