#Deputatlik_nazorati #162_ta_eng_muhim_qonun #ekspert_guruhlari

123-SONLI MAKTABDA INKLYUZIV TA’LIM UCHUN YARATILGAN SHAROITLAR O‘RGANILDI

📁 Xalq deputatlari Uchtepa tumani Kengashining 2026-yil 20-iyuldagi III-31-62-14-202-K/26-son qarori asosida tumandagi nogironligi bo‘lgan bolalarni ta’limga jalb qilish va ular uchun munosib sharoit yaratish bo‘yicha belgilangan vazifalar ijrosini o‘rganish maqsadida 123-sonli umumiy o‘rta ta’lim maktabida deputatlik nazorati doirasida o‘rganish ishlari olib borildi.

💼 O‘rganishda xalq deputatlari Uchtepa tumani Kengashi kotibiyati mudiri Anvar Usmanov, kotibiyat bosh mutaxassisi Umidbek Abilov, Kengash huzuridagi ekspert guruhi a’zolari hamda tegishli mas’ullar ishtirok etdi.

📇 O‘rganish davomida maktabda inklyuziv ta’lim oluvchi o‘quvchilar uchun yaratilgan sharoitlar, inklyuziv xona faoliyatini tashkil etish uchun zarur bo‘lgan jihozlarning belgilangan talablarga muvofiqligi, shuningdek, ta’lim olish jarayonida nogironligi bo‘lgan bolalar uchun qulay va xavfsiz muhit yaratilganligi ko‘rib chiqildi.

🤔 Shuningdek, maktab hududidagi hojatxonalarda nogironligi bo‘lgan o‘quvchilar uchun yaratilgan sharoitlar, ulardan foydalanish qulayligi va belgilangan talablarga muvofiqligi ham joyiga chiqqan holda o‘rganildi.

🗂 O‘rganish, 2020-yil 15-oktabrdagi “Nogironligi bo‘lgan shaxslarning huquqlari to‘g‘risida”gi O‘zbekiston Respublikasining O‘RQ-641-son Qonuni talablari ijrosi doirasida inklyuziv ta’limni tashkil etish, nogironligi bo‘lgan bolalarning ta’lim olish huquqlarini ta’minlash hamda ular uchun zarur sharoitlarni yaratish maqsadida tashkil etildi.

🔎 O‘rganish jarayonida ayrim ishlarning to‘liq yakuniga yetkazilmaganligi ham aniqlandi. Shu munosabat bilan pudratchi tashkilot mas’ullariga aniqlangan kamchiliklarni bartaraf etish, qolgan ishlarni belgilangan talablar asosida sifatli yakunlash hamda inklyuziv ta’lim uchun zarur sharoitlarni to‘liq ta’minlash yuzasidan ko‘rsatma va tavsiyalar berildi.

📈 Mazkur yo‘nalishdagi ishlarning yakuniy holati xalq deputatlari Uchtepa tumani Kengashi tomonidan deputatlik nazorati tartibida qayta o‘rganib boriladi.