Xalq deputatlari Tuproqqalʼa tuman Kengashi deputati Neʼmatjon Mo‘minov o‘zi saylangan “Nukus” mahallasida ijtimoiy reyestrda ro‘yxatda turgan fuqaro Sh.M ning oilaviy va ijtimoiy holatini o‘rgandi.
O‘rganish jarayonida oilaning asosiy muammolaridan biri — ishsizlik masalasi aniqlanib, uni bartaraf etish bo‘yicha amaliy choralar ko‘rildi. Natijada fuqaro yashash joyiga yaqin hududdagi xususiy korxonaga ishga joylashtirilib, doimiy daromad manbaiga ega bo‘ldi.
Shuningdek, fuqaro tibbiy ko‘rikdan o‘tkazilib, Vazirlar Mahkamasining tegishli qarori asosida belgilangan imtiyozlar doirasida zarur dori-darmon vositalari bepul berildi.
Deputat tomonidan oilaga ijtimoiy reyestr doirasida ko‘rsatiladigan xizmatlar holati doimiy nazoratga olindi.
📌 Asosiy maqsad — ijtimoiy reyestrga kiritilgan oilalarning muammolarini aniqlash, ularni manzilli hal etish va oilalarning barqaror daromad manbaiga ega bo‘lishini taʼminlash.