Hududda jinoyatchilikning oldini olish, ayniqsa “qizil” va “sariq” hududlarda huquqbuzarliklarni barvaqt aniqlash va bartaraf etish bo‘yicha amalga oshirilayotgan ishlar o‘rganildi.
🇺🇿 Xalq deputatlari Parkent tumani Kengashiga 4-“Bo‘ston” saylov okrugidan saylangan deputat Usipxodjayev Yerlan Ormanovich “Bo‘ston” MFY profilaktika inspektori A. Abduxalilov bilan uchrashib, hududdagi mavjud holat va profilaktik tadbirlar yuzasidan fikr almashdi.
❇️ O‘rganish davomida mahallada:
·         8 nafar probatsiya nazoratidagi shaxs;
·         4 ta nizoli oila;
·         5 nafar migratsiyada bo‘lgan fuqaro mavjudligi aniqlandi. Shundan 2 nafari tahsil olayotgan, 5 nafari esa mehnat qilish maqsadida xorijga ketgan.
❇️ Nizoli oilalar bilan ishlashga alohida e’tibor qaratilmoqda. Oilalardagi kelishmovchiliklarning sabablarini o‘rganish, muammolarni o‘z vaqtida aniqlash, tomonlar o‘rtasida tushuntirish va yarashtirish ishlarini olib borish orqali nizolarning yanada chuqurlashib ketishining oldini olish muhim vazifalardan biridir.
❇️ Shuningdek, profilaktik hisobda turuvchi fuqarolar bilan manzilli suhbatlar va tushuntirish ishlari olib borish, ularning muammolarini o‘rganish hamda qayta huquqbuzarlik sodir etishining oldini olishga qaratilgan chora-tadbirlarni kuchaytirish masalalariga e’tibor qaratildi.
➡️ Jinoyatchilikka qarshi kurashish — faqat sodir etilgan jinoyatga munosabat bildirish emas, avvalo uning sabab va shart-sharoitlarini o‘z vaqtida aniqlab, oldini olishdir.
⚠️ Tinch va osoyishta mahalla — barchamizning umumiy mas’uliyatimiz!