Xalq deputatlari Chilonzor tumani Kengashi deputati, XDP a’zosi Mahmudova Donoxon Artikovna tomonidan 316-sonli davlat maktabgacha ta’lim tashkilotining faoliyati yuzasidan o‘rganish ishlari amalga oshirildi.

O‘rganish jarayonida muassasada maktabgacha ta’lim xizmatlarini tashkil etish, tarbiyalanuvchilarning kun tartibi va rivojlantiruvchi mashg‘ulotlar bilan qamrab olinishi, shuningdek, bolalar uchun yaratilgan maishiy va pedagogik shart-sharoitlar ko‘rib chiqildi.

Alohida e’tibor tarbiyalanuvchilarning sog‘lom rivojlanishi uchun zarur bo‘lgan sanitariya-gigiyena me’yorlariga rioya etilishi, ovqatlanish ratsionining sifati, tibbiy xizmatni tashkil etish hamda muassasada xavfsiz ta’lim muhitini shakllantirish masalalariga qaratildi.

Shuningdek, pedagog xodimlar faoliyati, tarbiyaviy ishlarning mazmuni, o‘quv-o‘yin jihozlaridan foydalanish samaradorligi hamda tashkilotning moddiy-texnik ta’minoti holati yuzasidan fikr almashildi.

O‘rganish yakunlari bo‘yicha maktabgacha ta’lim tashkilotida mavjud imkoniyatlardan samarali foydalanish, tarbiyalanuvchilar uchun yanada qulay sharoitlar yaratish va aniqlangan masalalarni bosqichma-bosqich hal etish bo‘yicha tegishli takliflar ilgari surildi.

Sifatli maktabgacha ta’lim — bolalarning barkamol rivoji va kelajakdagi muvaffaqiyatlari uchun muhim poydevordir.