Yunusobod tumanida yosh avlod vakillari bilan ochiq muloqot o‘rnatish, ularning taklif va tashabbuslarini qo‘llab-quvvatlashga qaratilgan uchrashuvlar izchil davom etmoqda.

📌Muhammad al-Xorazmiy nomidagi Toshkent axborot texnologiyalari universitetining talabalar turar joyida yoshlar uchun yaratilgan shart-sharoitlarni o‘rganish maqsadida Yunusobod tumani Xalq deputatlari Kengashi deputati, tuman hokimi A.Saidaliyev hamda soha mutasaddilari ishtirokida samimiy va ochiq muloqot tashkil etildi.

Tadbir davomida talabalarning yashash, dars tayyorlash va bo‘sh vaqtlarini mazmunli o‘tkazishlari uchun yaratilgan imkoniyatlar ko‘zdan kechirildi. Samimiy ruhda kechgan suhbatda yigit-qizlarning takliflari, yangi loyihalari hamda kundalik masalalari tinglandi.

✅ Tuman hokimi yoshlar tomonidan bildirilgan har bir murojaatni alohida nazoratga olib, ularni qisqa fursatda ijobiy hal etish, iqtidorli talabalarni har tomonlama qo‘llab-quvvatlash bo‘yicha mas’ullarga aniq va manzilli topshiriqlar berdi.

Bizni kuzatishda davom eting!