🇺🇿 Yunusobod tumani, “Xiyobontepa” mahallasi, Bog‘ishamol ko‘chasi, 57/5–57/6-uylarda yashaydigan fuqarolar tomonidan murojaatlar kelib tushgan.

📝Murojaatlarda mazkur hududda doimiy yashash joyiga ega bo‘lmagan shaxslar to‘planib, aholi uchun noqulay vaziyat yuzaga kelayotgani hamda bu holat yuzasidan fuqarolar tomonidan ichki ishlar organlariga bir necha bor murojaat qilingani bildirilgan.

🇺🇿Mazkur murojaat yuzasidan xalq deputatlari Yunusobod tumani Kengashi Raisi, deputati Yusupov R. deputatlik okrugiga chiqib, vaziyatni joyiga borib o‘rgandi.

🔎O‘rganish yakunlari bo‘yicha mavjud muammoni qonuniy tartibda hal etish, hududda jamoat tartibi va fuqarolar osoyishtaligini ta’minlash maqsadida tegishli tashkilot va mas’ul idoralarga deputatlik so‘rovi yo‘llash rejalashtirilmoqda.

🤝Fuqarolar murojaatlari deputatlik nazoratining muhim yo‘nalishlaridan biri bo‘lib, hududdagi muammolarni amaldagi qonunchilik asosida hal etish bo‘yicha tegishli choralar ko‘riladi.