O‘zbekiston–Janubiy Koreya hamkorligi yangi bosqichda

⚡️O‘zbekiston Respublikasi Prezidenti Shavkat Mirziyoyevning Janubiy Koreyaga davlat tashrifi mamlakatlarimiz o‘rtasidagi strategik sheriklik munosabatlarini yanada mustahkamlashda muhim ahamiyat kasb etadi.
⚡️Tashrif doirasida Koreya Respublikasi Prezidenti, Milliy Assambleya Spikeri, Bosh vazir, shuningdek, yirik kompaniyalar va moliya institutlari rahbarlari bilan o‘tkaziladigan uchrashuvlar iqtisodiyot, investitsiya, texnologiya, sanoat, ta’lim va boshqa ustuvor sohalarda hamkorlikni kengaytirish uchun yangi imkoniyatlar yaratadi.
⚡️Ayniqsa, ilg‘or texnologiyalar va innovatsiyalarni O‘zbekistonga jalb etish, yangi investitsiya loyihalarini amalga oshirish, zamonaviy ish o‘rinlarini yaratish hamda inson kapitali salohiyatini oshirish borasidagi hamkorlik yurtimiz taraqqiyoti uchun muhimdir.
⚡️Deputat sifatida ushbu davlat tashrifini O‘zbekistonning xalqaro nufuzini yuksaltirish, xorijiy investitsiyalar va zamonaviy texnologiyalarni jalb etish, eng muhimi, aholi farovonligini oshirishga xizmat qiladigan muhim qadam sifatida baholayman. O‘zbekiston–Janubiy Koreya strategik sherikligi yangi, amaliy natijalarga boy bosqichga ko‘tarilishiga ishonaman.

👉Zilola Shomurodova,
Xalq deputatlari Jondor tumani Kengashi deputati,