Кенгаш народных депутатов Пайарыкского района

35 yil

Yagona vatan, yagona xalq bo'lib, yangi hayot va kelajak yaratamiz!

Новости

Последние новости

Xalq deputatlari Payariq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishida Payariq tumanida “Tashabbusli budjet” jarayonining 2026-yil 2-mavsumi yakunlariga ko‘ra openbudget.uz portalida g‘olib deb topilgan loyihalarni tasdiqlash hamda moliyalashtirish masalasi muhokama qilindi.

O‘zbekistonda xotin-qizlarning huquq va qonuniy manfaatlarini himoya qilish, ularning jamiyatdagi o‘rnini mustahkamlash hamda oilada tenglik va adolat tamoyillarini ta’minlashga qaratilgan keng ko‘lamli qonunchilik islohotlari amalga oshirilmoqda.

Xalq deputatlari Payariq tumani Kengashi Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi kotibi F.Shakarov tomonidan “Hududiy elektr tarmoqlari” AJ tuman bo‘limi boshlig‘ining hisoboti yuzasidan nazorat-tahlil tadbiri o‘tkazildi.

Xalq deputatlari Payariq tumani Kengashining 23-Pong saylov okrugidan saylangan deputati M.Nurmanova tomonidan navbatdagi sessiya kun tartibiga kiritilgan masala yuzasidan maktabgacha ta’lim tashkiloti tarbiyachilari bilan yaqindan suhbatlashildi.

Xalq deputatlari Payariq tumani Kengashining tegishli qaroriga asosan, “Turon” yakka kurashi bo‘yicha yuqori natijalarga erishib, tuman, viloyat va respublika miqyosidagi musobaqalarda munosib ishtirok etib kelayotgan sportchi o‘quvchi-yoshlarni rag‘batlantirish va taqdirlash maqsadida 41 600 000 so‘m mablag‘ yo‘naltirildi.

Xalq deputatlari Payariq tumani Kengashining 2026-yil 26-avgustdagi “Payariq tumani budjetining qo‘shimcha manbalari hisobidan mablag‘larni yo‘naltirish to‘g‘risida”gi VII-30-90-7-100-K/26-sonli qarori tasdiqlandi.

Xalq deputatlari Payariq tumani Kengashi kotibiyati mudiri J.Axunov tomonidan Toxirshayx mahallasida hududni rivojlantirish dasturi doirasida amalga oshirilayotgan ishlarning ijrosi joyiga chiqib o‘rganildi.

Xalq deputatlari Payariq tumani Kengashining 13-O‘zbekiston saylov okrugidan saylangan deputati F.Shakarov tomonidan deputatlik faoliyati yuzasidan axborot berildi.

Xalq deputatlari Payariq tumani Kengashining 3-Paxtakor saylov okrugidan saylangan deputati M.Musurmanov tomonidan Guliston mahallasida fuqaro bilan uchrashuv o‘tkazilib, unga davlat uy-joy fondini xususiylashtirish tartibi hamda bu boradagi huquq va majburiyatlari yuzasidan huquqiy tushuntirish berildi.

Xalq deputatlari Payariq tumani Kengashining 16-Mustaqillik saylov okrugidan saylangan deputati M.Kazakova tomonidan G‘oyib ota mahallasida istiqomat qiluvchi fuqaroning elektr ta’minoti bilan bog‘liq murojaati o‘rganildi.

Fuqarolar murojaati asosida muammo joyida o‘rganildi

#Deputatlik_nazorati #24_ta_tavsiyaviy_savol #Kotibiyat_hududlarda #deputatlik_guruhlari #haftalik_ish_reja_ijrosi

Fuqarolar murojaati asosida muammo joyida o‘rganildi

🕯 Fuqarolarning murojaatlari asosida hududlarda aholi uchun noqulaylik tug‘dirayotgan muammolarni o‘rganish va ularni bartaraf etish yuzasidan tegishli choralar ko‘rilmoqda. Jumladan, Katta Cho‘ponota mahallasi, Izza ko‘chasi 2-uy oldida bir necha oydan buyon ochiq holda qolib ketgan drenaj tizimi bilan bog‘liq masala joyiga chiqqan holda o‘rganildi.

⚠️ Mazkur holat nafaqat atrofdagi xususiy savdo shoxobchalari va dorixona faoliyatiga, balki fuqarolarning mazkur ko‘chadan erkin va xavfsiz harakatlanishiga ham noqulaylik tug‘dirmoqda. Ayniqsa, kuz-qish mavsumida yog‘ingarchiliklar sabab ushbu hududdan o‘quvchilarning maktablarga qatnovida qo‘shimcha qiyinchiliklar yuzaga kelishi mumkin.

🇺🇿 Murojaatni o‘rganish ishlari xalq deputatlari Uchtepa tumani Kengashidagi “Adolat” SDP deputatlik guruhi a’zosi, "20-Xirmontepa" saylov okrugi deputati Malikova Saodat Tolipovna, Kengash kotibiyati bosh mutaxassisi Zarnigor Kuziyeva hamda Katta Cho‘ponota mahallasi raisi Zoirbek Saatov tomonidan amalga oshirildi.

📈 O‘rganish davomida mavjud muammo va uning fuqarolar uchun keltirib chiqarayotgan noqulayliklari joyida ko‘zdan kechirilib, mas’ul tashkilotlar oldiga ushbu kamchiliklarni bartaraf etish masalasi qo‘yildi. Muammoni qonunchilikda belgilangan tartibda hal etish maqsadida mas’ullarga deputatlik so‘rovi kiritish belgilandi.

✅ Fuqarolar murojaati — deputat e’tiborida. Muammolarni joyida o‘rganish va ularning amaliy yechimini topish — deputatlik faoliyatining muhim yo‘nalishidir.

Slide 1 of 4