Кенгаш народных депутатов Пайарыкского района

35 yil

Yagona vatan, yagona xalq bo'lib, yangi hayot va kelajak yaratamiz!

Новости

Последние новости

Xalq deputatlari Payariq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishida Payariq tumanida “Tashabbusli budjet” jarayonining 2026-yil 2-mavsumi yakunlariga ko‘ra openbudget.uz portalida g‘olib deb topilgan loyihalarni tasdiqlash hamda moliyalashtirish masalasi muhokama qilindi.

O‘zbekistonda xotin-qizlarning huquq va qonuniy manfaatlarini himoya qilish, ularning jamiyatdagi o‘rnini mustahkamlash hamda oilada tenglik va adolat tamoyillarini ta’minlashga qaratilgan keng ko‘lamli qonunchilik islohotlari amalga oshirilmoqda.

Xalq deputatlari Payariq tumani Kengashi Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi kotibi F.Shakarov tomonidan “Hududiy elektr tarmoqlari” AJ tuman bo‘limi boshlig‘ining hisoboti yuzasidan nazorat-tahlil tadbiri o‘tkazildi.

Xalq deputatlari Payariq tumani Kengashining 23-Pong saylov okrugidan saylangan deputati M.Nurmanova tomonidan navbatdagi sessiya kun tartibiga kiritilgan masala yuzasidan maktabgacha ta’lim tashkiloti tarbiyachilari bilan yaqindan suhbatlashildi.

Xalq deputatlari Payariq tumani Kengashining tegishli qaroriga asosan, “Turon” yakka kurashi bo‘yicha yuqori natijalarga erishib, tuman, viloyat va respublika miqyosidagi musobaqalarda munosib ishtirok etib kelayotgan sportchi o‘quvchi-yoshlarni rag‘batlantirish va taqdirlash maqsadida 41 600 000 so‘m mablag‘ yo‘naltirildi.

Xalq deputatlari Payariq tumani Kengashi kotibiyati mudiri J.Axunov tomonidan Toxirshayx mahallasida hududni rivojlantirish dasturi doirasida amalga oshirilayotgan ishlarning ijrosi joyiga chiqib o‘rganildi.

Xalq deputatlari Payariq tumani Kengashining 2026-yil 26-avgustdagi “Payariq tumani budjetining qo‘shimcha manbalari hisobidan mablag‘larni yo‘naltirish to‘g‘risida”gi VII-30-90-7-100-K/26-sonli qarori tasdiqlandi.

Xalq deputatlari Payariq tumani Kengashining 13-O‘zbekiston saylov okrugidan saylangan deputati F.Shakarov tomonidan deputatlik faoliyati yuzasidan axborot berildi.

Xalq deputatlari Payariq tumani Kengashining 3-Paxtakor saylov okrugidan saylangan deputati M.Musurmanov tomonidan Guliston mahallasida fuqaro bilan uchrashuv o‘tkazilib, unga davlat uy-joy fondini xususiylashtirish tartibi hamda bu boradagi huquq va majburiyatlari yuzasidan huquqiy tushuntirish berildi.

Xalq deputatlari Payariq tumani Kengashining 16-Mustaqillik saylov okrugidan saylangan deputati M.Kazakova tomonidan G‘oyib ota mahallasida istiqomat qiluvchi fuqaroning elektr ta’minoti bilan bog‘liq murojaati o‘rganildi.

Xalq manfaatlari — deputatlik faoliyatining ustuvor yo‘nalishi

#deputatlik_faoliyati #Kotibiyat_hududlarda #Open_byudjet

Xalq manfaatlari — deputatlik faoliyatining ustuvor yo‘nalishi

🇺🇿 Oliy Majlis Qonunchilik palatasi deputatlari Durbek Axmedov hamda Dildora Kamalovalar tomonidan “Tashabbusli byudjet” jarayonining 2026-yil 2-mavsumi doirasida ovoz berish natijalariga ko‘ra g‘olib deb topilmagan Uchtepa tumanidagi 78-sonli umumta’lim maktabining holati joyiga chiqib o‘rganildi.

🗂 Mazkur o‘rganish O‘zbekiston Respublikasi Prezidentining “Tashabbusli byudjet jarayonlarini takomillashtirish doirasida xalq vakillari va saylovchilar o‘rtasida hamkorlikni kuchaytirish chora-tadbirlari to‘g‘risida” 2025-yil 29-avgustdagi 264-sonli qarori doirasida amalga oshirildi.

⚙️ 78-sonli umumta’lim maktabida o‘tkazilgan o‘rganish davomida ta’lim muassasasining mavjud sharoitlari, moddiy-texnik holati, aniqlangan muammolar hamda ularni bartaraf etish imkoniyatlari atroflicha ko‘rib chiqildi.

💼 O‘rganish jarayonida xalq deputatlari Uchtepa tumani Kengashi kotibiyati bosh mutaxassisi Umidbek Abilov, Kengashdagi Ekspert guruhi a’zolari hamda maktab rahbariyati ishtirok etdi.

🧠 Bunday o‘rganishlar deputatlik faoliyatining faqatgina muammolarni aniqlash bilan cheklanib qolmasdan, ularni tegishli tashkilotlar oldiga qo‘yish, yechim izlash va amalga oshirilishini nazorat qilishga qaratilganini ko‘rsatadi.

📇 Xalq vakillari tomonidan joylardagi real vaziyatni bevosita o‘rganish, saylovchilarning fikr va takliflarini tinglash hamda aniqlangan muammolarni tizimli ravishda hal etishga ko‘maklashish — zamonaviy parlament va mahalliy Kengashlar faoliyatining muhim yo‘nalishidir.

📈 Eng muhimi, “Tashabbusli byudjet” jarayonlarida g‘olib bo‘lmagan loyiha va tashabbuslar ham e’tibordan chetda qolmasligi, aholining murojaat va takliflari xalq vakillari tomonidan o‘rganilishi fuqarolarning davlat boshqaruvidagi ishtirokini yanada kuchaytiradi.

Slide 1 of 6