Кенгаш народных депутатов Пайарыкского района

35 yil

Yagona vatan, yagona xalq bo'lib, yangi hayot va kelajak yaratamiz!

Новости

Последние новости

O‘zbekistonda xotin-qizlarning huquq va qonuniy manfaatlarini himoya qilish, ularning jamiyatdagi o‘rnini mustahkamlash hamda oilada tenglik va adolat tamoyillarini ta’minlashga qaratilgan keng ko‘lamli qonunchilik islohotlari amalga oshirilmoqda.

Xalq deputatlari Payariq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishida Payariq tumanida “Tashabbusli budjet” jarayonining 2026-yil 2-mavsumi yakunlariga ko‘ra openbudget.uz portalida g‘olib deb topilgan loyihalarni tasdiqlash hamda moliyalashtirish masalasi muhokama qilindi.

Xalq deputatlari Payariq tumani Kengashining 23-Pong saylov okrugidan saylangan deputati M.Nurmanova tomonidan navbatdagi sessiya kun tartibiga kiritilgan masala yuzasidan maktabgacha ta’lim tashkiloti tarbiyachilari bilan yaqindan suhbatlashildi.

Xalq deputatlari Payariq tumani Kengashi Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi kotibi F.Shakarov tomonidan “Hududiy elektr tarmoqlari” AJ tuman bo‘limi boshlig‘ining hisoboti yuzasidan nazorat-tahlil tadbiri o‘tkazildi.

Xalq deputatlari Payariq tumani Kengashining tegishli qaroriga asosan, “Turon” yakka kurashi bo‘yicha yuqori natijalarga erishib, tuman, viloyat va respublika miqyosidagi musobaqalarda munosib ishtirok etib kelayotgan sportchi o‘quvchi-yoshlarni rag‘batlantirish va taqdirlash maqsadida 41 600 000 so‘m mablag‘ yo‘naltirildi.

Xalq deputatlari Payariq tumani Kengashi kotibiyati mudiri J.Axunov tomonidan Toxirshayx mahallasida hududni rivojlantirish dasturi doirasida amalga oshirilayotgan ishlarning ijrosi joyiga chiqib o‘rganildi.

Xalq deputatlari Payariq tumani Kengashining 2026-yil 26-avgustdagi “Payariq tumani budjetining qo‘shimcha manbalari hisobidan mablag‘larni yo‘naltirish to‘g‘risida”gi VII-30-90-7-100-K/26-sonli qarori tasdiqlandi.

Xalq deputatlari Payariq tumani Kengashining 13-O‘zbekiston saylov okrugidan saylangan deputati F.Shakarov tomonidan deputatlik faoliyati yuzasidan axborot berildi.

Xalq deputatlari Payariq tumani Kengashining 3-Paxtakor saylov okrugidan saylangan deputati M.Musurmanov tomonidan Guliston mahallasida fuqaro bilan uchrashuv o‘tkazilib, unga davlat uy-joy fondini xususiylashtirish tartibi hamda bu boradagi huquq va majburiyatlari yuzasidan huquqiy tushuntirish berildi.

Xalq deputatlari Payariq tumani Kengashining 16-Mustaqillik saylov okrugidan saylangan deputati M.Kazakova tomonidan G‘oyib ota mahallasida istiqomat qiluvchi fuqaroning elektr ta’minoti bilan bog‘liq murojaati o‘rganildi.

Deputat so‘roviga Uchtepa tumani hokimining o'rinbosari tomonidan tegishli ma'lumotlar taqdim etildi

#deputat_soʻrovi_javobi #Deputatlik_nazorati

Deputat so‘roviga Uchtepa tumani hokimining o'rinbosari tomonidan tegishli ma'lumotlar taqdim etildi

📝 Xalq deputatlari Uchtepa tumani Kengashi deputati Ismanov Jafar Xodjimuratovich tomonidan yuborilgan deputatlik so‘roviga tuman hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatov tomonidan rasmiy javob taqdim etildi.

📊 Deputatlik so'rovida ko'rsatilgan Davlatobod mahallasi, Somoniy 1-proyezd ko‘chasida, 490-sonli DMTTga tutash hududda zamonaviy bolalar o‘yin maydonchasi hamda yoshlar va aholi uchun workout sport maydonchasini barpo etish tashabbusi aholining bo‘sh vaqtini mazmunli tashkil etish, bolalar va yoshlarning sport bilan muntazam shug‘ullanishi uchun qulay sharoit yaratish nuqtayi nazaridan maqsadga muvofiq deb hisoblangan.

📁 Mazkur hududning mavjud holati, yer maydonining imkoniyatlari, muhandislik-kommunikatsiya tarmoqlarining joylashuvi hamda maydonchalarni tashkil etishning texnik imkoniyatlari o‘rganilib, zarur hisob-kitoblar asosida tegishli takliflar shakllantirilishi belgilanganligi qayd etilgan.

🕯 Shuningdek, Davlatobod mahallasi, Somoniy 1-proyezd ko‘chasidagi 490- sonli DMTTga tutash hududda zamonaviy bolalar o‘yin maydonchasi hamda workout sport maydonchasini barpo etish loyihasini 2027-yil tuman dasturiga kiritish masalasi belgilangan tartibda ko‘rib chiqilishi hamda mazkur loyihani dasturga kiritish va kelgusida amalga oshirish bo‘yicha tegishli ishlar olib borilishi belgilangan.

📈 Loyihani amalga oshirish imkoniyatlari mavjud mablag‘lar, hududning texnik shartlari va belgilangan tartib-taomillardan kelib chiqqan holda ko‘rib chiqilishi hamda mazkur yo‘nalishda bolalar va yoshlar uchun zamonaviy, xavfsiz hamda obodonlashtirilgan sport va o‘yin infratuzilmasini yaratishga alohida e’tibor qaratilishi belgilangan.

✅ Deputat so‘rovida ko‘tarilgan masala nazoratga olinganligini hamda uni amalga oshirish yuzasidan belgilangan tartibda tegishli choralar ko‘rib borilishi maʼlum qilingan.

Slide 1 of 1