Кенгаш народных депутатов Пайарыкского района

35 yil

Yagona vatan, yagona xalq bo'lib, yangi hayot va kelajak yaratamiz!

Новости

Последние новости

Xalq deputatlari Payariq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishida Payariq tumanida “Tashabbusli budjet” jarayonining 2026-yil 2-mavsumi yakunlariga ko‘ra openbudget.uz portalida g‘olib deb topilgan loyihalarni tasdiqlash hamda moliyalashtirish masalasi muhokama qilindi.

O‘zbekistonda xotin-qizlarning huquq va qonuniy manfaatlarini himoya qilish, ularning jamiyatdagi o‘rnini mustahkamlash hamda oilada tenglik va adolat tamoyillarini ta’minlashga qaratilgan keng ko‘lamli qonunchilik islohotlari amalga oshirilmoqda.

Xalq deputatlari Payariq tumani Kengashi Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi kotibi F.Shakarov tomonidan “Hududiy elektr tarmoqlari” AJ tuman bo‘limi boshlig‘ining hisoboti yuzasidan nazorat-tahlil tadbiri o‘tkazildi.

Xalq deputatlari Payariq tumani Kengashining 23-Pong saylov okrugidan saylangan deputati M.Nurmanova tomonidan navbatdagi sessiya kun tartibiga kiritilgan masala yuzasidan maktabgacha ta’lim tashkiloti tarbiyachilari bilan yaqindan suhbatlashildi.

Xalq deputatlari Payariq tumani Kengashining tegishli qaroriga asosan, “Turon” yakka kurashi bo‘yicha yuqori natijalarga erishib, tuman, viloyat va respublika miqyosidagi musobaqalarda munosib ishtirok etib kelayotgan sportchi o‘quvchi-yoshlarni rag‘batlantirish va taqdirlash maqsadida 41 600 000 so‘m mablag‘ yo‘naltirildi.

Xalq deputatlari Payariq tumani Kengashining 2026-yil 26-avgustdagi “Payariq tumani budjetining qo‘shimcha manbalari hisobidan mablag‘larni yo‘naltirish to‘g‘risida”gi VII-30-90-7-100-K/26-sonli qarori tasdiqlandi.

Xalq deputatlari Payariq tumani Kengashi kotibiyati mudiri J.Axunov tomonidan Toxirshayx mahallasida hududni rivojlantirish dasturi doirasida amalga oshirilayotgan ishlarning ijrosi joyiga chiqib o‘rganildi.

Xalq deputatlari Payariq tumani Kengashining 13-O‘zbekiston saylov okrugidan saylangan deputati F.Shakarov tomonidan deputatlik faoliyati yuzasidan axborot berildi.

Xalq deputatlari Payariq tumani Kengashining 3-Paxtakor saylov okrugidan saylangan deputati M.Musurmanov tomonidan Guliston mahallasida fuqaro bilan uchrashuv o‘tkazilib, unga davlat uy-joy fondini xususiylashtirish tartibi hamda bu boradagi huquq va majburiyatlari yuzasidan huquqiy tushuntirish berildi.

Xalq deputatlari Payariq tumani Kengashining 16-Mustaqillik saylov okrugidan saylangan deputati M.Kazakova tomonidan G‘oyib ota mahallasida istiqomat qiluvchi fuqaroning elektr ta’minoti bilan bog‘liq murojaati o‘rganildi.

Sherobod tuman Kengashi faoliyatidan

🏆 Yoshlar bilan ishlash samaradorligi — deputat e’tiborida

Mahalliy Kengash deputati faoliyatining eng muhim 24 ta ustuvor yo‘nalishi doirasida, xususan, mahalladagi yoshlar yetakchisi tomonidan amalga oshirilayotgan tadbirlar samaradorligi va yoshlar bilan ishlash holatini o‘rganish maqsadida Bаhor mahallasida o‘rganish ishlari olib borildi.
Xalq deputatlari Sherobod tumani Kengashining 15-“Bahor” saylov okrugidan saylangan deputati A. Tojiyev hamda Kengash kotibiyati bosh mutaxassisi Sh. Xo‘janazarov ishtirokida Bahor mahallasi yoshlar yetakchisi M. Allanazarovaning faoliyati o‘rganildi.

O‘rganish davomida mahalla yoshlar yetakchisi tomonidan amalga oshirilgan ishlar, yoshlarni sport va turli tadbirlarga jalb etish borasidagi faoliyat hamda yoshlar bilan ishlash samaradorligi ko‘zdan kechirildi.

⚽️ Ta’kidlanganidek, mahalla yoshlari O‘zbekiston Yoshlar agentligi tashabbusi bilan tashkil etilgan futbol musobaqasining tuman bosqichida g‘oliblikni qo‘lga kiritib, viloyat bosqichiga yo‘llanma olgan. Bu esa mahallada yoshlar bilan sport yo‘nalishida olib borilayotgan ishlarning amaliy natijalaridan biridir.

Shu bilan birga, o‘rganish davomida mahallada yoshlarning bo‘sh vaqtini mazmunli tashkil etish va sport bilan muntazam shug‘ullanishi uchun mini futbol stadioni hamda workout maydonchasi mavjud emasligi muammo sifatida qayd etildi.

📌 Mazkur muammolarni o‘rganish va yoshlar uchun zarur sport infratuzilmasini yaratish bo‘yicha tegishli takliflarni ishlab chiqish masalalariga alohida e’tibor qaratildi.

Xalq deputatlari Sherobod tumani Kengashi kotibiyati matbuot xizmati.

Slide 1 of 3