Кенгаш народных депутатов Пайарыкского района

35 yil

Yagona vatan, yagona xalq bo'lib, yangi hayot va kelajak yaratamiz!

Новости

Последние новости

Xalq deputatlari Payariq tumani Kengashi kotibiyati mudiri J.Axunov va Madad NNT rahbari tomonidan “Birlashuv” MFY hududidagi 54-sonli umumiy o‘rta ta’lim maktabini rekonstruksiya qilish, jumladan, qo‘shimcha 96 o‘rinli o‘quv binosi qurish bo‘yicha amalga oshirilayotgan ishlar o‘rganildi.

Reglament va deputatlik odob-axloqi masalalari bo‘yicha doimiy komissiya raisi L.Djamalova hamda komissiya a’zolari ishtirokida komissiya yig‘ilishi o‘tkazildi.

2026-yil 21-avgust kuni Xalq deputatlari Payariq tumani Kengashining Reglament va deputatlik odob-axloqi masalalari bo‘yicha doimiy komissiyasi yig‘ilishida Payariq tumani hokimining birinchi o‘rinbosari lavozimiga oid masalalar ko‘rib chiqildi.

Xalq deputatlari Payariq tumani Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi raisi o‘rinbosari Z.Turdiyev hamda tuman hokimligi xodimi ishtirokida hududdagi piyodalar yo‘laklarini qurish ishlari joyiga chiqib o‘rganildi.

Djamolova Lola Djalilovnaning deputatlik so‘roviga Gaz ta’minoti Payariq filiali boshlig‘i A.Uralovdan javob olindi.

Xalq deputatlari tuman Kengashi kotibiyati mudiri J.Axunov tomonidan 15-sonli umumiy o‘rta ta’lim maktabida dastur asosida amalga oshirilayotgan ta’mirlash ishlari o‘rganildi.

Xalq deputatlari tuman Kengashi kotibiyati mudiri J.Axunov tomonidan Boshcho‘rosh mahallasida istiqomat qiluvchi fuqaroning ichki yo‘llarni ta’mirlash yuzasidan yo‘llagan murojaati o‘rganildi.

Xalq deputatlari Payariq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan 2026-yil 21-avgustdagi DKQ 03-01/80-26-son qaror qabul qilindi.

Xalq deputatlari Payariq tumani Kengashining 23-Pong saylov okrugidan saylangan deputati M.Nurmanova tomonidan hududdagi ichki yo‘llarni asfalt qoplamasi bilan ta’minlash masalasi yuzasidan mas’ullar bilan yaqindan suhbatlashildi.

Xudoyberdiyeva Xusniya Buriboyevnaning deputatlik so‘roviga Gaz ta’minoti Payariq filiali boshlig‘i A.Uralovdan javob olindi.

#deputat_nazorati #kotibiyat_mudiri #24_muhim_masala

IJTIMOIY YORDAMNING MANZILLILIGI VA SIFATI NAZORATDA

Aholining ijtimoiy ehtiyojmand qatlamlarini qo‘llab-quvvatlash, ularga ko‘rsatilayotgan ijtimoiy xizmatlar sifati va manzilliligini ta’minlash borasidagi deputatlik nazorati Zuhro mahallasida izchil davom ettirilmoqda.

O‘zbekiston Respublikasi Prezidentining PQ-406-son qarori, Oliy Majlis Senati Kengashining KQ-35-V-son qarori hamda mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiya asosida 15-Zuhro saylov okrugi deputati, Xalq deputatlari Marg‘ilon shahar Kengashi kotibiyati mudiri A. Ermatov tomonidan Inson ijtimoiy xizmatlar markazi xodimi A. Abdurahimov hamrohligida mahalladagi ehtiyojmand oilalar xonadonma-xonadon o‘rganildi.

Navbatdagi o‘rganish Zuhro MFY, Zuhro ko‘chasi, 35A/30-uyda yashovchi Mamadaliyeva Payzilatxon Sodiqjon qizi xonadonida o‘tkazildi.

O‘rganish jarayonida xonadonda belgilangan ishlarning asosiy qismi bajarilgani, ko‘rsatilayotgan ijtimoiy yordam bo‘yicha ishlar nisbatan ijobiy yo‘lga qo‘yilgani aniqlandi. Shu bilan birga, nuqson dalolatnomasida qayd etilgan ayrim kamchiliklar hali to‘liq bartaraf etilmagani ma’lum bo‘ldi.

Xususan, dalolatnomada ko‘rsatilgan vanna jihozi xonadonga hali yetkazib berilmagan. Bu esa ko‘rsatilgan yordamning to‘liq va yakunlangan holda manziliga yetib borishini ta’minlash zarurligini ko‘rsatadi.

Aniqlangan holat mas’ullar e’tiboriga yetkazilib, yetkazib berilmagan jihozni xonadonga o‘rnatish hamda nuqson dalolatnomasida qayd etilgan ishlarni to‘liq yakunlash masalasi deputatlik nazoratiga olindi.

Aholining ijtimoiy himoyaga muhtoj qatlamlariga ko‘rsatilayotgan yordamning qog‘ozda emas, balki amalda o‘z natijasini berishi muhim. Shu bois xonadonlarda amalga oshirilayotgan ishlarning sifati, to‘liqligi va belgilangan yordamning o‘z vaqtida yetkazilishi deputatlik nazorati orqali izchil kuzatib boriladi.

Slide 1 of 5