«Yagona Vatan, yagona xalq bo‘lib, yangi hayot va kelajak yaratamiz!»

Mustaqilligimizning 35 yilligi munosabati bilan yurtimizda amalga
oshirilayotgan keng ko‘lamli bunyodkorlik ishlari, xalqimizning farovon
hayotini ta’minlash, oilalar institutini mustahkamlash va milliy
qadriyatlarimizni yanada yuksaltirishga qaratilgan ezgu tashabbuslar doirasida
turli ma’naviy-ma’rifiy tadbirlar o‘tkazilmoqda.

Shu munosabat bilan Xalq deputatlari Qo‘shko‘pir tuman Kengashi Kotibiyati bosh
mutaxassisi S. Matyaqubova Baxoriston mahallasi Oybek ko‘chasi, 1-uyda
istiqomat qiluvchi, ko‘p farzandli va namunali oila vakili Yusupova Ullibi
opa xonadonida bo‘ldi.

Suhbat davomida Ullibi opaning hayotiy tajribasi, oiladagi mehr-oqibat, farzand
va nabiralarni milliy qadriyatlarimiz, Vatanga muhabbat va insoniy fazilatlar
ruhida tarbiyalash borasidagi ibratli faoliyati alohida e’tirof etildi. Bugungi
kunda ushbu oilada 5 nafar farzand, 17 nafar nevara va 10 nafar chevara
kamol topmoqda.

Bunday fayzli va ahil xonadonlar yurtimizda tinchlik va barqarorlik, oilaviy
qadriyatlar hamda avlodlar davomiyligining yorqin timsolidir. Ullibi opaning
sermazmun hayot yo‘li, farzand va nabiralariga berayotgan tarbiyasi yosh avlod
uchun munosib ibrat maktabi bo‘lib xizmat qiladi.

Tashrif davomida bunday namunali oilalarni keng jamoatchilikka o‘rnak sifatida
ko‘rsatish, ularning hayotiy tajribasini yoshlar tarbiyasida targ‘ib etish
muhimligi ta’kidlandi.

Zero, mustaqil va yangi O‘zbekiston taraqqiyotining eng muhim tayanchi —
tinch va obod xonadonlar, ahil oilalar hamda Vatan taqdiriga daxldorlik hissi
bilan yashayotgan fidoyi insonlardir.
Yagona Vatan, yagona xalq bo‘lib, yangi hayot va farovon kelajakni
birgalikda bunyod etamiz!