XALÍQ DEPUTATLARÍ QARAÓZEK RAYONLÍQ KEŃESINIŃ JIGIRMA EKINSHI SESSIYASÍ HAQQÍNDA MÁLIMLEME

Xalıq deputatları Qaraózek rayonlıq Keńesiniń gezektegi jigirma ekinshi sessiyası bolıp ótti.

Sessiyanı Keńes baslıǵı G.Yusupova basqarıp bardı.
Sessiya reglamenti belgilenip, deputatlar májilis xatkeri hám kún tártibin tastıyıqladı.
Sessiyaǵa rayonlıq Keńes deputatları, Keńes janındaǵı jaslar másláhát toparı, ekspert aǵzaları, hákim orınbasarları, siyasiy partiyalar, rayonlıq mákeme, shólkemler, puqaralar jıyınları hám ǵalaba xabar qurallarınıń wákilleri qatnastı.

Sessiya jumısı Keńestiń social tarmaqtaǵı arnawlı betlerinde tuwrıdan-tuwrı jarıtılıp barıldı. Kún tártibinde dáslep Qaraózek rayonı prokuraturasınıń 2026-jıl altı ay dawamında nızam ústinligin támiyinlew, nızamlılıqtı bekkemlew, puqaralardıń huqıq hám erkinliklerin, nızam menen qorıqlanatuǵın máplerin qorǵaw, huqıqbuzarlıqlardıń aldın alıw hám profilaktikası baǵdarında alıp barılǵan jumıslar haqqındaǵı rayonı prokurorı B.Aberkulovtıń málimlemesi dodalanıldı. Deputatlardıń usınısları menen sheshim qabıl etildi.Bunnan soń Qaraózek rayonı Ishki isler bólimi baslıǵı M.Allabergenovtıń rayon aymaǵında jınayatshılıqqa qarsı gúresiw, huqıqbuzarlıqlardıń aldın alıw hám jámiyetlik tártipti saqlaw, puqaralardıń qáwipsizligin támiyinlew baǵdarında 2026-jıldıń altı ayı dawamında ámelge asırılǵan jumıslar haqqındaǵı esabatı kórip shıǵıldı.Sessiy kún tártibindegi Qaraózek rayonı Ádillik bólimi tárepinen 2026-jıldıń altı ayı dawamında ámelge asırılǵan jumıslar boyınsha málimlemesi haqqında bólim baslıǵı A.Iskenderovtıń hám Ózbekstan Respublikası Prezidentiniń Qaraózek rayonındaǵı  Xalıq qabıllawxanası baslıǵı orınbasarı A.Tangatarovanıń “Ózbekstan Respublikası Prezidentiniń Qaraózek rayonındaǵı Xalıq qabıllawxanasına 2026-jıldıń altı ayı dawamında fizikalıq hám yuridikalıq shaxslardan kelip túsken múrájatlar, sektorlar tárepinen alıp barılıp atırǵan jumıslardı hám mashqalalardı hár tárepleme talıqlaw haqqında”ǵı málimlemesi dodalanıldı hám deputatlar tárepinen sheshimler qabıl etildi.Sessiyada Qaraózek rayonı jergilikli byudjet parametrleriniń orınlanıwı hám qarjılandırıw baǵdarında 2026-jıldıń altı ayı dawamında ámelge asırılǵan jumıslar boyınsha  rayon hákimi orınbasarı A.Sarsenbaevtıń hám rayon aymaǵında ayrıqsha jaǵdaylardıń aldın alıw baǵdarında 2026-jıl birinshi yarım jıllıǵı dawamında dawamında ámelge asırılǵan jumıslar haqqında rayonlıq ayrıqsha jaǵdaylar bólimi baslıǵı D.Dawbaevlardıń esabatları dodalanıldı hám deputatlar tárepinen sheshimler qabıl etildi.Sessiya kún tártibinde Qaraózek rayonı kámbaǵallıqtı qısqartıw hám xalıq bántligine kómeklesiw orayı tárepinen Ózbekstan Respublikası Prezidentiniń 2024-jıl 23-sentyabr kúngi "Kámbaǵallıqtı qısqartıw hám xalıqtıń abadanlıǵın arttırıw boyınsha ilajlardı jańa basqıshqa alıp shıǵıw haqqında"ǵı PQ-143-sanlı qararında belgilengen wazıypalardıń Qaraózek rayonında orınlanıwın támiyinlew boyınsha 2026-jıldıń altı ayı dawamında ámelge asırılǵan jumısları haqqında rayonlıq kámbaǵallıqtı qısqartıw hám xalıq bántligine kómeklesiw orayı direktorı S.Jankabulovtıń hám Ózbekstan Respublikası Prezidentiniń 2023-jıl 24-oktyabrdegi "Ishimlik suw támiynatı hám aqaba suw sistemasın bunnan bılay da jetilistiriw boyınsha qosımsha ilajlar haqqında"ǵı PQ-343-sanlı qararınıń rayon aymaǵında orınlanıwı haqqında Qaraqalpaq suw támiynatı AJ rayonlıq filialı baslıǵı O.Omarovlardıń esabatları dodalanıldı hám deputatlar tárepinen sheshimler qabıl etildi.Sonday-aq, sessiya kún tártibine Ózbekstan Xalıq demokratiyalıq partiyası deputatlıq toparı usınısı menen kiritilgen rayon aymaǵındaǵı mektepke shekemgi bilimlendiriw shólkemlerinde balalardıń qáwipsizligin támiyinlew baǵdarında ámelge asırılǵan jumıslardıń  úyreniw juwmaǵında anıqlanǵan kemshiliklerdi saplastırıw baǵdarında rayonlıq mekep hám mektepke shekemgi bilimlendiriw shólkemi baslıǵı esabatı dodalanılıp, tiyislisinshe usınıslar menen sheshim qabıl etildi.Sessiyada Xalıq deputatları rayonlıq Keńesiniń turaqlı komissiyaları tárepinen usınılǵan máseleler tolıǵı menen kórip shıǵılıp, sheshimler qabıl etildi.
Deputatlar, siyasiy partiya deputatlıq toparları tárepinen kún tártibindegi máseleler boyınsha pikir, usınıslar bildirildi, tarawlarda aldaǵı isleniwi tiyis wazıypalar belgilendi hám jigirma ekinshi sessiya óz jumısın juwmaqladı.