Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat S.Ramatjonov va kotibiyat xodimi N.Kurganova tomonlaridan tumanning “Daxana” mahallasiga biriktirilgan hokim yordamchisi Z.Qaxxorovaning xizmat faoliyati hamda aholi bandligini ta’minlash, tadbirkorlikni rivojlantirish va kambag‘allikni qisqartirish borasida amalga oshirilayotgan ishlar atroflicha o‘rganildi.

O‘rganish jarayonida hokim yordamchisi tomonidan xonadonbay ishlash tizimi asosida olib borilayotgan ishlar, fuqarolarning daromad manbalarini oshirish, ishsiz aholini doimiy va mavsumiy ish o‘rinlariga joylashtirish, kasb-hunarga o‘qitish hamda o‘zini o‘zi band qilishga ko‘maklashish bo‘yicha amalga oshirilayotgan chora-tadbirlar tahlil qilindi.

Shuningdek, ehtiyojmand oilalar bilan manzilli ishlash, ularni kambag‘allikdan chiqarish bo‘yicha ishlab chiqilgan “yo‘l xaritalari”, tadbirkorlik qilish istagida bo‘lgan fuqarolarga imtiyozli kreditlar, subsidiyalar va davlat tomonidan yaratilgan imkoniyatlardan foydalanish yuzasidan ko‘rsatilayotgan amaliy yordam holati ko‘rib chiqildi

O‘rganish davomida aholi murojaatlarini o‘z vaqtida ko‘rib chiqish, investitsiya loyihalariga aholini keng jalb qilish, yangi ish o‘rinlari yaratish, yoshlar va xotin-qizlarning bandligini ta’minlash, mahalladagi iqtisodiy faollikni oshirish bo‘yicha amalga oshirilayotgan ishlar muhokama qilindi.