Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat M.Aynashova tomonidan tumanning "Pargos" mahallasida yangi ichimlik suvi quvuri tarmog‘ini tortish ishlarini loyihalashtirish jarayonlarida ishtirok etib, mas’ul tashkilotlar va mutaxassislar bilan birgalikda rejalashtirilgan ishlar muhokama qilindi.

🔺O‘rganish davomida loyihaning texnik yechimlari, quvur tarmoqlarining yo‘nalishi, suv ta’minotidan to‘liq foydalana olmayotgan hududlarni qamrab olish imkoniyatlari hamda qurilish ishlarini belgilangan me’yor va talablar asosida tashkil etish masalalari ko‘rib chiqildi. Shuningdek, aholi sonining o‘sishi va kelgusidagi ehtiyojlar inobatga olingan holda quvurlar diametri, suv bosimi va tarmoqning uzoq muddatli samaradorligini ta’minlash yuzasidan takliflar bildirildi.

🔺Deputat mahalla faollari va fuqarolar bilan muloqot qilib, ularning ichimlik suvi ta’minoti bo‘yicha fikr-mulohazalari hamda mavjud muammolarini tingladi. Ayrim ko‘chalarda ichimlik suvi tarmog‘ining mavjud emasligi yoki eskirganligi sababli yuzaga kelayotgan qiyinchiliklar qayd etilib, ushbu muammolarni loyiha doirasida bartaraf etish bo‘yicha mas’ullarga tegishli tavsiyalar berildi.