Xalq deputatlari Qo‘qon shahar Kengashi deputati Yu.To‘ychiyev tomonidan 1-"Temiryo‘lchi" saylov okrugi hududidagi "Chorchinor" mahallasi Chorchinor ko‘chasi 40-uy manzilida faoliyat yuritayotgan mikroloyiha faoliyati joyiga chiqqan holda o‘rganildi.

O‘rganish davomida mahalla hokim yordamchisi va mas’ullar ishtirokida loyihaning bugungi faoliyati, ishlab chiqarish quvvati hamda aholi bandligini ta’minlash borasida erishilgan natijalar muhokama qilindi.

Ma’lum qilinishicha, mazkur mikroloyiha "Fabio-AS" MCHJ shaklida davlat ro‘yxatidan o‘tkazilgan bo‘lib, faoliyatini 40 million so‘m imtiyozli kredit mablag‘lari hisobiga yo‘lga qo‘ygan.

Bugungi kunda korxonada 30 nafar mahalla xotin-qizi doimiy ish o‘rni bilan ta’minlangan bo‘lib, ularning bandligini ta’minlash va oilaviy daromadlarini oshirishga munosib hissa qo‘shib kelinmoqda.

O‘rganish jarayonida ishlab chiqarish hajmini kengaytirish, qo‘shimcha ish o‘rinlari yaratish hamda korxonaning faoliyatini rivojlantirish zarurati mavjudligi qayd etildi.

Shu munosabat bilan deputat Yu.To‘ychiyev tomonidan mahalla hokim yordamchisi orqali korxonaga 100 million so‘m miqdorida imtiyozli kredit ajratish bo‘yicha tegishli taklif ilgari surildi.

Mazkur taklifni amalga oshirish yuzasidan zarur hujjatlarni tayyorlash va kredit ajratish masalasini belgilangan tartibda ko‘rib chiqish mahalla hokim yordamchisi tomonidan nazoratga olinishi, deputat esa ushbu masalaning ijrosi ustidan deputatlik nazoratini amalga oshirishi yuzasidan kelishuvga erishildi.

O‘rganish davomida Xalq deputatlari Qo‘qon shahar Kengashi mudiri A.Nosirov va Kengash kotibiyati bosh mutaxassisi A.Adhamovlar ishtirok etib, o‘rganish ishlarini tashkil etishda ko‘maklashdilar.

Xalq deputatlari Qo‘qon shahar Kengashi