⚡️ G‘alla maydonlarini yoqish holatlarining oldini olish bo‘yicha Doimiy komissiya qarori qabul qilindi
Xalq deputatlari Baxmal tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi yig‘ilishida dalalarni yoqishga qarshi qat'iy choralar ko‘rish bo‘yicha muhim qaror qabul qilindi.
O‘zbekiston Ekologik partiyasi tuman Kengashi tashabbusi bilan o‘tgan yig‘ilishda bug‘doy poyalari, somon va o‘simlik qoldiqlarini yoqib yuborish holatlarining oldini olish masalasi ko‘rib chiqildi.
📌 Qabul qilingan komissiya qaroriga muvofiq:
Chora-tadbirlar yuzasidan soha mas’ullarining hisobotlari eshitildi;
Hududlarda nazorat tadbirlarini keskin kuchaytirish belgilandi;
Ekologiya va tuproq unumdorligiga zarar yetkazuvchi ushbu holatlarga qarshi targ‘ibot ishlari jonlantiriladi.
Doimiy komissiya qarorining ijrosi qat'iy nazoratga olindi.