“Mahalliy davlat hokimiyati to‘g‘risida”gi Qonun talablari asosida Xalq deputatlari Oqdaryo tumani Kengashi kotibiyati mudiri D.Adilova, tuman hokimiyati yuristkonsulti G‘.Abduhakimov hamda Oqdaryo tumani “Madad” nodavlat notijorat tashkiloti rahbari F.Sahaddinovlar ishtirokida davra suhbati o‘tkazildi.

🔹 Kengash reglamenti va amaldagi normativ-huquqiy hujjatlarga muvofiq navbatdagi sessiya kun tartibiga kiritilayotgan qaror loyihalari muhokama qilindi.

🔹 Qonunchilikka asosan deputatlik so‘rovlarini ko‘rib chiqish tartibi doirasida so‘rovlarga belgilangan muddatlarda to‘liq va asoslantirilgan javob berish zarurligi ta’kidlandi.

🔹 “Jismoniy va yuridik shaxslarning murojaatlari to‘g‘risida”gi Qonun talablariga muvofiq ayrim hollarda javoblar kechikayotgani yoki yuzaki yondashilayotgani tanqidiy tahlil qilinib, kamchiliklarni bartaraf etish choralar belgilandi.

🔹 Davlat organlari va mansabdor shaxslarning javobgarligi to‘g‘risidagi qonunchilik normalariga binoan deputatlik so‘rovlariga o‘z vaqtida, to‘liq va ishonchli javob qaytarish majburiy ekani qayd etildi.

🔹 Normativ-huquqiy hujjatlar loyihalarini tayyorlash tartibi asosida qaror loyihalarini sifatli ishlab chiqish va sessiyaga puxta tayyor holda kiritish yuzasidan tavsiyalar berildi.

🔹 Qonun ustuvorligi va ijro intizomini ta’minlash maqsadida hamkorlikni kuchaytirish hamda deputatlik so‘rovlari bilan ishlash samaradorligini oshirish bo‘yicha kelishuvga erishildi.