Shifokorlar — qonun himoyasida, qonunlar — aholi xizmatida:

Tibbiyot xodimlarining huquqiy savodxonligini oshirish va sohaga oid yangi qonun hujjatlarining mazmun-mohiyatini tushuntirish maqsadida navbatdagi amaliy tadbir tashkil etildi.

Xalq deputatlari Uzun tumani Kengashi kotibiyati mudiri O‘.Rajabov tumandagi Oilaviy shifokorlik poliklinikasida tibbiyot xodimlari va soha mas’ullari ishtirokida qonunlar targ‘ibotiga bag‘ishlangan ochiq muloqot va davra suhbati o‘tkazdi.

Uchrashuvda asosan quyidagi muhim masalalarga to‘xtalib o‘tildi:

So‘nggi yillarda shifokorlar nufuzini oshirish, ularning qonuniy huquqlarini himoya qilish borasida qabul qilingan qonun hujjatlarining ahamiyati;

Sog‘liqni saqlash tizimiga oid qabul qilinayotgan farmon va qarorlar, ularning joylardagi ijro mexanizmlari;
Deputatlar bilan hamkorlik:

Xalq deputatlari tuman Kengashi va tibbiyot muassasalari o‘rtasidagi jamoatchilik nazoratini kuchaytirish hamda qonun ustuvorligini ta’minlash.

Samimiy va savol-javoblarga boy o‘tgan davra suhbatida shifokorlar o‘zlarini qiziqtirgan huquqiy masalalar bo‘yicha atroflicha javoblar olishdi.
Bu kabi targ‘ibot tadbirlari tumandagi boshqa ijtimoiy soha ob’yektlarida ham izchil davom ettiriladi.