Xalq deputatlari Ishtixon tumani Kengashi deputati Soliyeva Vasila Ismoilovnaga O‘zbekiston Respublikasining “Turizm to‘g‘risida”gi Qonuni (O‘RQ–549, 2019-yil 18-iyul) ijrosi ustidan deputatlik nazoratini amalga oshirish vazifasi biriktirilgan.
Mazkur qonun turizm sohasidagi munosabatlarni tartibga solish, ichki va tashqi turizmni rivojlantirish, turizm infratuzilmasini takomillashtirish hamda sayyohlar uchun qulay va xavfsiz sharoitlar yaratishga qaratilgan.

📝 Deputat tomonidan qonun va ushbu sohaga oid Prezident farmonlari, qarorlari, Vazirlar Mahkamasi qarorlari hamda boshqa normativ-huquqiy hujjatlar ijrosi yuzasidan o‘rganishlar olib boriladi. Shuningdek, turizm sohasiga mas’ul tashkilotlar faoliyati tahlil qilinib, qonunchilik talablarining amalda qo‘llanilishi yuzasidan deputatlik nazorati amalga oshiriladi.

🔍 Qonun ijrosi doirasida turizm obyektlari faoliyati, turistik xizmatlar sifati, hududning turizm salohiyatidan foydalanish darajasi hamda sohaga oid dastur va loyihalarning amalga oshirilishi yuzasidan o‘rganishlar tashkil etilishi rejalashtirilgan.

✅ Turizm sohasidagi qonunchilik ijrosi ustidan samarali nazorat o‘rnatilishi hududning turizm salohiyatini yanada rivojlantirish, xizmatlar sifatini oshirish, yangi ish o‘rinlari yaratish hamda iqtisodiy faollikni kuchaytirishga xizmat qiladi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram