Xalq deputatlari Zarbdor tuman Kengashining Reglament va odob-axloq masalalari boʻyicha doimiy komissiyasi raisi Zafar Umurzakov, 7-Sutbuloq saylov okrugi deputati Islomiddin Allayarov hamda tegishli tashkilotlar mutaxassislaridan iborat ishchi guruh tomonidan “Lalmikor” mahallasida oʻrganishlar olib borildi. Tizimli nazorat tadbirlarida xonadonbay oʻrganishlar, aholi bandligini taʼminlash va kambagʻallikni qisqartirish borasidagi ishlar holati koʻzdan kechirildi.
Oʻrganishlar davomida mahalladagi hokim yordamchisining umumiy faoliyati samaradorligi hamda “Obod va xavfsiz mahalla” tamoyili asosida ijtimoiy profilaktika tadbirlarining borishi atroflicha tahlil qilindi.
Asosiy eʼtibor quyidagilarga qaratilgan:
Hokim yordamchilarining umumiy faoliyati: Mahallaning drayverlari asosida mikroloyihalarni ishga tushirish, xonadonbay reyting tizimi, oilaviy tadbirkorlik uchun imtiyozli kreditlar ajratish va "Individual reja"lar ijrosi;
Ijtimoiy profilaktika va hamkorlik: Profilaktika inspektori tomonidan aniqlanib, “E-ijtimoiy profilaktika” axborot tizimi orqali hokim yordamchilariga yuborilayotgan band boʻlmagan va ishsiz fuqarolarni ishga joylashtirish hamda kasb-hunarga yoʻnaltirish holati;
Oʻrganish yakunlari boʻyicha aniqlangan kamchiliklarni bartaraf etish yuzasidan tavsiyalar berilib, masʼullarning hisobotlari tuman Kengashi doimiy komissiyalarida muhokama qilinishi belgilandi.