Bogʻiturkon istirohat bogʻida Romitan tumani haqiqiy bayram kayfiyatida uygʻondi.
Sahar tongdan boshlangan “Milliy oʻyinlar festivali” istirohat bog'idagi kulgu, chaqaloqdek shodlik va avlodlararo iliq muloqotga toʻldi.
Tadbirda tuman hokimining Oila va xotin‑qizlar boʻyicha oʻrinbosari Z.Aslonova, Respublika Ma’naviyat va ma’rifat markazi rahbari I.Mirzoyev, tuman hokimining maslahatchisi G.Gʻiyosova, 18-Hazortut saylov okrugi deputati M.Jumayeva hamda hamkor tashkilotlar, mahalla faollari, nuroniylar va keng jamoatchilik faol qatnashdi.
Ularning ishtiroki va qalbdan aytilgan soʻzlari festival ruhini yanada baland qildi. Ishtirokchilar milliy oʻyinlarni jonli ijro etib, bir‑biriga qanday hurmat va mehr bilan qarash mumkinligini namoyish etdilar.
Yoshlar va nuroniylar birga oʻynab, qadimiy oʻyinlarimiz tarixini yodga oldi, oilaviy qadriyatlarimizning ahamiyati yana bir bor tasdiqlandi. Har bir milliy o'yin— bizning ma’naviy boyligimizdir.
Festival yakunida faol qatnashgan jamoalarga tashakkurnoma va esdalik sovgʻalari topshirildi — bu ham minnatdorlik, ham kelajak avlodlarga ilhom.
Tadbirni tashkil etganlarga, ishtirok etganlarga va qoʻllab‑quvvatlaganlarga cheksiz rahmat — sizlar bilan bu kun unutilmas bo‘ldi.
Keling, milliy oʻyinlarimizni asrab‑avaylaylik, farzandlarimizga anʼanalarimizni sevdiraylik va birgalikda sogʻlom, maʼnaviy barkamol jamiyat quraylik!