Qabul jarayonida hudud aholisi o‘zlarini qiynab kelayotgan bir qator dolzarb masalalar yuzasidan murojaatlarini bildirdilar.

Jumladan, elektr ta’minoti tizimidagi mavjud muammolarni bartaraf etish, hududda oilaviy nodavlat maktabgacha ta’lim tashkilotini yo‘lga qo‘yish, qishloq ichki yo‘llarini ta’mirlash hamda suyultirilgan gaz bilan uzluksiz ta’minlash masalalari ko‘tarildi. Fuqarolar ushbu yo‘nalishlarda amaliy yordam va tezkor chora-tadbirlar ko‘rilishini so‘radilar.

Deputat tomonidan barcha murojaatlar batafsil o‘rganilib, ularning yechimi yuzasidan tegishli mas’ul tashkilotlar bilan hamkorlikda ish olib borilishi ta’kidlandi. Shuningdek, ko‘tarilgan masalalar yuzasidan qonunchilikda belgilangan tartibda tegishli idoralarga deputatlik so‘rovlari kiritilishi ma’lum qilindi.