Tuman Kengashi kotibiyat mudiri M.G'oibnazarov va Kengash deputati S.Bekmurodova tomonidan Kengash qaroriga asosan ajratilgan mablag‘larning maqsadli sarflanishi hamda amalga oshirilayotgan ishlar holati yuzasidan nazorat-tahlil tadbiri o‘tkazildi.

Tadbir doirasida Zomin tuman sport maktabining suzish havzasini ta’mirlash ishlari uchun ajratilgan mablag‘lar hisobidan olib borilayotgan qurilish va ta’mirlash jarayonlari joyiga chiqqan holda o‘rganildi. Shuningdek, mazkur sport inshootida yoshlar uchun yaratilgan shart-sharoitlar, mavjud imkoniyatlar hamda ularning samarali foydalanilishi holati ko‘zdan kechirildi.

O‘rganish jarayonida ta’mirlash ishlarining sifati, belgilangan muddatlarga rioya etilishi, ajratilgan mablag‘larning maqsadli va samarali ishlatilishi masalalariga alohida e’tibor qaratildi. Mas’ul tashkilot vakillariga aniqlangan kamchiliklarni bartaraf etish, ishlarni jadallashtirish hamda sifat talablariga qat’iy rioya etish bo‘yicha tegishli tavsiyalar berildi.

Shuningdek, sport maktabi faoliyatini yanada takomillashtirish, yoshlarni ommaviy sportga keng jalb etish va ularning sog‘lom turmush tarzini shakllantirish bo‘yicha amalga oshirilayotgan ishlar muhokama qilindi.