O‘zbekiston Respublikasi Vazirlar Mahkamasining 2024-yil 26-martdagi 156-sonli qarori bilan tasdiqlangan “Mening bog‘im” loyihalarini shakllantirish va moliyalashtirish tartibiga muvofiq “Ochiq budjet” axborot portali orqali jamoatchilik fikri asosida ilgari surilgan tashabbuskor loyihalar bo‘yicha ovoz berish jarayonlari o‘tkazildi.

✅Mazkur jarayon yakunlariga ko‘ra, Nurobod tumani “Ulus” mahalla fuqarolar yig‘ini hududidagi 1,5 gektar yer maydoni “Mening bog‘im” loyihasi doirasida g‘olib deb topildi.

📌 Shunga asosan, hududda aholi uchun qulay va zamonaviy yashil maskan yaratish, ekologik muhitni yaxshilash hamda fuqarolarning mazmunli dam olishini tashkil etish maqsadida “Yashil jamoat parki”ni barpo etish belgilandi.

✅Xalq deputatlari Nurobod tumani Kengashining 2025-yil 24-iyundagi VII-10-62-7-99-K/25-sonli qaroriga muvofiq, 2025-yilda o‘tkazilgan “Mening bog‘im” loyihalari doirasida g‘olib bo‘lgan loyihalarni moliyalashtirish maqsadida tumandagi Ulus mahallasida “Yashil jamoat parki”ni tashkil etish uchun 250 million so‘m mablag‘ ajratildi.

📝 Mazkur qaror ijrosi yuzasidan Xalq deputatlari Nurobod tumani Kengashi deputati N.Ziyadinov tomonidan o‘rganish ishlari olib borildi.

💧O‘rganish davomida:
🔹 ajratilgan mablag‘larning maqsadli sarflanishi;
🔹 hududda amalga oshirilayotgan obodonlashtirish ishlari;
🔹 yashil hududlarni kengaytirish;
🔹 aholiga qulay sharoit yaratish bo‘yicha bajarilayotgan ishlar;
🔹 park hududida amalga oshirilayotgan qurilish va ko‘kalamzorlashtirish ishlari bilan yaqindan tanishildi.

🤝 Shuningdek, deputat tomonidan mas’ul tashkilotlar va mutasaddilarga loyiha ishlarini sifatli hamda belgilangan muddatlarda amalga oshirish yuzasidan tegishli tavsiya va takliflar bildirildi.

🌱 Hududlarda ekologik barqarorlikni ta’minlash, yashil hududlarni kengaytirish va aholining dam olishi uchun zamonaviy shart-sharoitlar yaratishga qaratilgan ishlar deputatlik nazoratida bo‘lib qolmoqda.