Xalq deputatlari Jondor tumani Kengashiga 6-Mirzayon saylov okrugidan saylangan deputat G‘.Hamroyev tomonidan aholini qiynab kelayotgan bir qator dolzarb masalalar yuzasidan amaliy choralar ko‘rish maqsadida tuman hokimining o‘rinbosari X.Bafoyev nomiga deputat so‘rovi yuborildi.
✔️Mazkur deputat so‘rovida saylovchilar tomonidan ko‘tarilgan muammolar, xususan, hududdagi infratuzilma holati, transformator o‘rnatish,  piyodalar yo‘lagini qurish, obodonlashtirish ishlari hamda aholiga qulay shart-sharoitlar yaratish bilan bog‘liq masalalar aks ettirildi.
✔️Deputat G‘.Hamroyev o‘z saylovchilari bilan doimiy muloqot olib borib, ularning murojaat va takliflarini o‘rganish asosida mavjud muammolarni mas’ul tashkilotlar bilan hamkorlikda hal etish choralarini ko‘rib kelmoqda. Deputat so‘rovi ham aholi manfaatlarini ta’minlash, hududdagi kamchiliklarni bartaraf etish va fuqarolarning turmush sharoitini yaxshilashga qaratilgani bilan ahamiyatlidir.
✔️Ayni paytda mazkur masalalar yuzasidan mutasaddi tashkilotlar tomonidan tegishli o‘rganish ishlari olib borilishi hamda aniq chora-tadbirlar belgilanishi kutilmoqda.
✔️alq deputatlari Jondor tumani Kengashi tomonidan aholi murojaatlarini ijobiy hal etish, joylardagi muammolarni tizimli bartaraf qilish va fuqarolar bilan ochiq muloqotni ta’minlash borasida ishlar izchil davom ettirilmoqda.