#deputat_axboroti #poytaxtdeputatlari #deputatlik_faoliyati

Xalq deputatlari Toshkent shahar Kengashi deputati Ahrorxon Xashimxonov 2026-yilning birinchi choragi bo‘yicha axborot berdi

🏛 Xalq deputatlari Toshkent shahar Kengashi deputati Ahrorxon Xashimxonov tomonidan Sergeli tumanidagi “Izzatli” mahalla fuqarolar yig‘inida 2026-yilning birinchi choragi davomida amalga oshirilgan deputatlik faoliyati yuzasidan saylovchilar oldida axborot berish uchrashuvi tashkil etildi. Mazkur uchrashuvda mahalla faollari, tegishli tashkilotlar vakillari, hududga biriktirilgan bojxona xodimi hamda keng jamoatchilik vakillari ishtirok etib, hududdagi mavjud muammolar, fuqarolar murojaatlari va istiqboldagi tashabbuslar yuzasidan ochiq muloqot o‘tkazildi.

📝 Deputat o‘z axborotida hisobot davrida aholi bilan muntazam uchrashuvlar tashkil etilgani, hududiy o‘rganishlar olib borilgani hamda fuqarolar murojaatlarini joyida hal etishga alohida e’tibor qaratilganini ta’kidladi. Shuningdek, xalq deputatlari Toshkent shahar Kengashi sessiyalari hamda doimiy komissiya yig‘ilishlarida faol ishtirok etib, hududlarni rivojlantirish, kommunal soha, ijtimoiy himoya va infratuzilmani yaxshilash bo‘yicha qator takliflarni ilgari surgani qayd etildi.

📁 Uchrashuv davomida Mahalliy Kengash deputati faoliyatining eng muhim 24 ta yo‘nalishi asosida amalga oshirilayotgan ishlar va o‘rganishlar haqida ham ma’lumot berildi. Jumladan, yoshlar bandligini ta’minlash, aholini sifatli tibbiy xizmat bilan qamrab olish, sport inshootlari va ta’lim muassasalari holatini yaxshilash, kambag‘allikni qisqartirish, ijtimoiy himoyaga muhtoj oilalarni qo‘llab-quvvatlash masalalari muhokama qilindi.

📉 Shuningdek, mahalla ichki yo‘llari, tungi yoritish tizimi, chiqindilarni olib chiqish, jamoat transporti harakati, elektr energiyasi, gaz va ichimlik suvi ta’minoti bilan bog‘liq masalalar yuzasidan tegishli tashkilotlar bilan hamkorlikda o‘rganishlar olib borilgani aytib o‘tildi.

🗣 Deputat tomonidan hududdagi jinoyatchilikning oldini olish, yoshlar bilan ishlash samaradorligini oshirish, xotin-qizlar bandligini ta’minlash hamda mahalla infratuzilmasini rivojlantirish bo‘yicha taklif va tashabbuslar ilgari surildi. Ayrim masalalar yuzasidan tegishli mutasaddi tashkilotlarga deputatlik so‘rovlari yuborilishi va ularni nazoratga olish bo‘yicha kelishib olindi.

🔎 Uchrashuv yakunida fuqarolar tomonidan bildirilgan taklif ва murojaatlar tinglanib, ularni hal etish yuzasidan aniq vazifalar belgilandi. Shuningdek, navbatdagi sessiyalar va doimiy komissiya yig‘ilishlariga hududdagi dolzarb masalalarni kiritish hamda ularni joyiga chiqib o‘rganish bo‘yicha tizimli ishlar davom ettirilishi ta’kidlandi.

📱 Telegram 📱 Instagram 📱 Facebook 📱 YouTube 🔎 E-kengash