Xalıq deputatları Bozataw rayonlıq Keńesiniń Agrar, suw xojalıǵı hám ekologiya máseleleri boyınsha turaqlı komissiyasınıń gezektegi májilisi bolıp ótti. 

Májilisti turaqlı komissiya baslıǵı: K.Bisenov ashıp berdi hám alıp bardı. 

Kún tártibindegi másele: Bozataw rayonında“Meniń baǵım” joybarın ámelge asırıw hám shólkemlestiriw ilajları haqqında. 

Rayon hákiminiń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı J.Xabibullaevtiń málimlemesi tıńlandı. 

Ózbekstan Respublikası Prezidentiniń 2021-jıl 30-dekabr kúngi “Respublikada kóklemzarlastırıw jumısların, tereklerdi qorǵawda jánede nátiyjeli shólkemlestiriw is-ilájları haqqında”ǵı 46-sanlı Pármanı, Ózbekstan Respublikası Prezidentiniń 2019-jıl 30-oktyabrdegi "2030-jılǵa shekem bolǵan dáwirde Ózbekstan Respublikasınıń qorshaǵan ortalıqtı qorǵaw konsepciyasın tastıyıqlaw tuwrısında"ǵı PF-5863-sanlı Pármanına tiykar hámde Ózbekstan Respublikası Ministirler Kabinetiniń 2024-jıl 26-marttaǵı “Jamiyetshilik pikiri tiykarında islep shıǵılǵan “Meniń baǵım” joybarların shólkemlestiriw hám qarjılandırıw tártibi tuwrısındaǵı nızamın tastıyqlaw haqqında” 156-sanlı qararınıń orınlanıwın támiyinlew maqsetinde “Meniń baǵım” joybarı ushın Bozataw rayonı “Bozataw” PPJ aymaǵınnan 1,0 ga, “Aspantay” APJ aymaǵınnan 0,7 ga, “Qusxanataw” APJ aymaǵınnan 0,5 ga, “Erkindárya” APJ aymaǵınnan 0,55 ga, baǵ jaratıw boyınsha usınıslar kirtildi.
“Menin baǵım” joybarında jasıl baǵ hám jasıl jámiyetlik parkin qurıw baǵdarında puqaralar tárepinen berilgen usınıslardıń eń kóp dawıs toplap, jeńimpaz dep tabılǵan (ID: 054475445002) Erkindárya awıl puqaralar jıyını aymaǵınan 0.55 ga jer maydanına “Jasıl jámiyetlik park”in jaratıw boyınsha jeńilpaz boldı.
Kún tártibine qoyılǵan máseleler boyınsha tolıq kórip shıǵılıp, bildirilgen usınıs hám pikirlerdi esapqa alıp turaqlı komissiya tárepinen tiyisli sheshim qabıl qılındı.