Xalq deputatlari Tuproqqal’a tuman Kengashi deputati Nafosat Allaberganova mahalladagi ichki yo‘llarni shag‘allashtirish bo‘yicha mahalliy davlat dasturi ijrosini nazorat qilish maqsadida yo‘l idorasi mutaxassislari bilan birgalikda olib borilayotgan qurilish-ta’mirlash ishlari bilan tanishdi.

O‘rganish davomida mahalladagi Abdulla Qodiriy ko‘chasining 1237 metr qismida 244 million 739 ming so‘m mablag‘ hisobiga yo‘lning 4200 kvadrat metr qismi hamda Quruvchilar ko‘chasining 520 metr qismida 112 million 200 ming so‘m mablag‘ evaziga ta’mirlash ishlari amalga oshirilayotgani ma’lum qilindi.

Deputat tomonidan davlat dasturlari ijrosini doimiy nazorat qilib borish zarurligi soha mutaxassislariga ta’kidlandi. Shuningdek, ta’mirlash ishlarini rejalashtirishda mahalla aholisining fikr va takliflarini ham inobatga olish yuzasidan tavsiyalar berildi.