Xalq deputatlari Boyovut tuman Kengashi deputati Z. Alimovning “Do‘stlik” mahallasi saylovchilari bilan navbatdagi uchrashuvi bo‘lib o‘tdi.

Uchrashuv davomida hududdagi mavjud muammolar, aholini qiynayotgan masalalar hamda mahalla infratuzilmasini yanada yaxshilashga qaratilgan takliflar muhokama qilindi. Deputat tomonidan, ayniqsa, yoshlar tarbiyasi, farzandlarning bo‘sh vaqtini mazmunli tashkil etish, ularni vatanparvarlik ruhida tarbiyalash hamda oilalarda sog‘lom ma’naviy muhitni mustahkamlash masalalariga alohida e’tibor qaratildi.

Shuningdek, mahalla hududidagi xonadonlar atrofi va ichki ko‘chalarni obodonlashtirish, sanitariya holatini yaxshilash, aholi o‘rtasida tozalik va ozodalikka rioya etish madaniyatini kuchaytirish yuzasidan fikr-mulohazalar bildirildi.

Uchrashuv yakunida fuqarolar tomonidan ko‘tarilgan murojaat va takliflar tegishli tartibda o‘rganilishi hamda ularni hal etish yuzasidan amaliy choralar ko‘rilishi ta’kidlandi.