Xalq deputatlari Paxtakor tumani kengashi deputati Do‘stqulova Dilbar Abdurazoqovnaning D 047 “Jizzax sh. – Paxtakor sh. – Do‘stlik sh. – Gagarin sh. – M39 avtomobil yo‘li”ning PK 41+694 km qismidagi ko‘prik inshooti texnik holati yuzasidan yuborgan deputatlik so‘roviga javob berildi.

O‘rganishlar davomida ko‘prik inshootida yoriqlar va ayrim konstruktiv nuqsonlar mavjudligi aniqlanib, mutaxassislar ishtirokida muhandislik-texnik o‘rganish ishlari olib borildi.

Mazkur obyekt 2026-yilgi ta’mirlash dasturiga kiritilgan bo‘lib, ayni paytda loyiha-smeta hujjatlarini ishlab chiqish va tasdiqlash ishlari davom etmoqda.

Jarayon yakuniga qadar fuqarolar va transport vositalari harakati xavfsizligini ta’minlash maqsadida vaqtinchalik himoya hamda xavfsizlik choralari ko‘rilgan.

Mazkur masala doimiy nazoratga olingan