JINOYATCHILIKKA QARSHI KURASH VA HUQUQBUZARLIKLAR PROFILAKTIKASI — DIQQAT MARKAZIDA

✅Bandixon tumanida aholi osoyishtaligini ta’minlash, mahallalarda jinoyatchilikning barvaqt oldini olish va xavfsiz muhit yaratish ustuvor vazifalardan biri hisoblanadi.

✅Bugun Xalq deputatlari Bandixon tuman Kengashi deputati Jumayev Sirojiddin Nurqobilovich tumanimizdagi “Bahoriston” mahallasida bo‘lib, hududdagi jinoyatchilikka qarshi kurashish holati va amalga oshirilayotgan profilaktik tadbirlarni o‘rgandi.

✅Mahalla profilaktika inspektori ishtirokida quyidagi masalalar tahlil qilindi:

✅Jinoyatchilik dinamikasi: Mahallada sodir etilishi mumkin bo‘lgan huquqbuzarliklarning sabablari va ularni keltirib chiqarayotgan omillar ko‘rib chiqildi.

✅Profilaktik chora-tadbirlar: “Xonadonbay” yurish orqali oilaviy mojarolarni kamaytirish va ishsiz yoshlar bandligini ta’minlash choralari.

✅Tungi nazorat: Hududda ko‘cha chiroqlari va kuzatuv kameralarining ishchi holati, tungi vaqtlarda profilaktik tadbirlarning samaradorligi.

O'rganish davomida “Bahoriston” mahallasida yashovchi fuqaroning murojaati deputat tomonidan atroflicha tinglandi. Saylovchining qiynayotgan muammo tahlil qilinib, uning yechimi yuzasidan mas’ul va tegishli tashkilotlarga deputatlik so'rovi yuborish belgilandi.

“Aholi bilan bevosita muloqot qilish, ularning dardini eshitish va muammolariga ijobiy yechim topish — deputatlik faoliyatimning bosh mezoni va ustuvor yo‘nalishidir”, — deydi deputat.

O‘rganish yakunida aniqlangan kamchiliklarni bartaraf etish bo‘yicha mahalla yettiligi bilan hamkorlikda targ‘ibot ishlarini kuchaytirish belgilab olindi.