Халқ депутатлари Наманган вилоят Кенгашининг котибият мудири Т.Гаппаров, вилоят Кенгаши депутатлари Х.Ходжиматов, У.Мўминов бошчилигида Тўрақорғон туман Кенгаши котибиятида ўрганиш ишлари олиб боришди.


Кенгаш котибияти ишини намунали ташкил этиш орқали депутатлар фаолиятини самарали қўллаб-қувватлаш ва аҳоли билан ишлаш сифатини ошириш муҳимлиги алоҳида таъкидланди.


Ўрганиш жараёнида котибиятда ҳужжатлар билан ишлаш тизими, иш юритиш , ҳужжатларнинг тўғри ва ўз вақтида расмийлаштирилиши, уларнинг ижросини
таъминлаш ҳолати атрофлича таҳлил қилинди. Шунингдек, котибият фаолиятини янада самарали ташкил этиш, иш жараёнларини тизимлаштириш ва замонавий талаблар асосида такомиллаштириш масалаларига алоҳида эътибор қаратилди. Котибият мудирига Кенгаш фаолияти самарадорлигини янада ошириш юзасидан тегишли кўрсатма ва топшириқлар берилди


Шу билан бирга, Тўрақорғон тумани ҳокими Ш. Қосимов ҳамда туман Кенгаши раиси М. Сойиббаев билан биргаликда Кенгаш котибиятининг моддий-техник базасини янада мустаҳкамлаш, иш жараёнларини замонавий талаблар асосида ташкил этиш ҳамда Кенгаш фаолияти самарадорлигини ошириш бўйича тегишли чора-тадбирлар белгилаб
олинди.