1-S.Ayniy saylov okrugi deputati, Romitan tuman hokimi U.Barnoyev Qalaychorbog‘ mahalla fuqarolar yig‘inida joylashgan 13-sonli umumta’lim maktabida o‘quvchilarga yaratilgan shart-sharoitlar hamda moddiy-texnik bazasi bilan qiziqdi.

Tashrif davomida maktabdagi kutubxona faoliyati, o’quvchilarning kitobxonlikka bo’lgan qiziqishini oshirish borasida amalga oshirilayotgan ishlar hamda mavjud adabiyotlar holati bilan yaqindan tanishildi.

Shuningdek, maktab oshxonasida o’quvchilar uchun yaratilgan sanitariya-gigiyena sharoitlari, tayyorlanayotgan oziq-ovqat mahsulotlarining sifati va ozodaligi ham deputat e’tiborida bo’ldi. Sinf xonalaridagi mavjud sharoitlar, o’quv jihozlari, partalar holati, yoritish va isitish tizimlari ham atroflicha ko’zdan kechirildi.

O’rganishlar davomida yoshlarning sifatli ta’lim olishi, bo’sh vaqtlarini mazmunli tashkil etishi hamda zamonaviy bilim va ko’nikmalarni egallashi uchun yaratilayotgan imkoniyatlarga alohida e’tibor qaratildi. Maktab jamoasi bilan muloqot davomida ta’lim sifati va yoshlar tarbiyasiga oid fikr-mulohazalar bildirilib, mavjud muammolarni bartaraf etish yuzasidan tegishli taklif va tavsiyalar berildi.