25-Baynalminal saylov okrugi  deputati X.Kalbayeva tomonidan olis hududda joylashgan Gazli madaniyat muassasasida olib borilayotgan ishlar bilan yaqindan tanishildi. Tashrif davomida muassasada aholining, ayniqsa yoshlarning ma’naviy-ma’rifiy saviyasini yuksaltirish, ularning bo’sh vaqtlarini mazmunli tashkil etish borasida amalga oshirilayotgan ishlar ko’zdan kechirildi.

Madaniyat muassasasida yoshlarni milliy qadriyatlarga hurmat ruhida tarbiyalash, ularning san’atga bo’lgan qiziqishini oshirish maqsadida turli madaniy tadbirlar va to’garaklar samarali yo’lga qo’yilganligi bo'yicha yoshlar bilan ochiq muloqod o'tkazildi. Ayniqsa, yoshlar o’rtasida milliy cholg’u asboblarini maromiga yetkazib ijro etish bo’yicha tashkil etilgan bellashuv yuqori saviyada o’tkazilib, unda iqtidorli va faol yoshlar o’z mahoratlarini namoyon etdilar.

Bellashuv yakunida g’olib va faol ishtirokchilar faxriy yorliq hamda esdalik sovg’alari bilan taqdirlanib, bu kabi tadbirlar yoshlarning iste’dodini qo’llab-quvvatlash, ularni madaniyat va san’atga keng jalb etishda muhim ahamiyat kasb etishi qayd etildi.

Tashrif davomida deputat tomonidan muassasa faoliyatini yanada rivojlantirish, madaniy tadbirlar qamrovini kengaytirish hamda yoshlar uchun yaratilgan shart-sharoitlarni yaxshilash yuzasidan tegishli taklif va tavsiyalar bildirildi.