Tahlil natijalari raqamlarda va hayotiy misollarda:

✔️ Sog‘liqni saqlash — eng oliy ne’mat:

Ijtimoiy himoyaga muhtoj, og‘ir xastalikka chalingan 1 nafar fuqaroga jigar operatsiyasi uchun davlat tomonidan 134 million so‘m miqdorida mablag‘ ajratildi. Bu kabi yirik yordam bir inson hayotini saqlab qolish va oilasiga quvonch bag‘ishlashda muhim ahamiyat kasb etdi.

✔️Inklyuziv ta’limga e’tibor:

Imkoniyati cheklangan bo‘lishiga qaramay, bilim olishga ishtiyoqi baland bo‘lgan 2 nafar bola inklyuziv ta’lim asosida shahardagi 15-sonli umumta’lim maktabiga o‘qishga joylashtirildi. Bu ularning jamiyatga moslashishi va tengdoshlari bilan birga kamol topishi uchun katta imkoniyatdir.

✔️Ijtimoiy reyestr va manzilli yordam:

I chorak davomida mahalla bo‘yicha ijtimoiy reyestrda turgan 92 nafar fuqaroning muammolari o‘rganilib, ulardan 89 nafariga turli ko‘rinishdagi (moddiy, huquqiy va ijtimoiy) amaliy yordamlar ko‘rsatildi.

🫥O‘rganish jarayoni yakunida deputat I.Shatova mahalla faollari bilan doimo hamkorlikda ishlashini, aholi murojaatlari va ijtimoiy himoya masalalari doimiy deputatlik nazoratida bo‘lishini ta’kidladi.

💬"Ijtimoiy xodimning faoliyati — bu shunchaki raqamlar emas, balki ko‘makka muhtoj har bir fuqaroning dardi bilan yashashdir. 134 million so‘m evaziga saqlab qolingan hayot — islohotlarimizning eng oliy natijasidir," — deya qayd etdi deputat I.Shatova.