Xalq deputatlari Parkent tumani Kengashiga 16-“Bodomtepa” saylov okrugidan saylangan deputat Ashirmatova Xurshida Soliyevna o‘zi saylangan hududdagi “Quruqsoy” mahallasida bo‘lib, mahallada “Mahalla yettiligi” tomonidan amalga oshirilayotgan ishlar bilan yaqindan tanishdi. Xususan, hokim yordamchisi O.Mahmudov tomonidan aholini kambag‘allikdan chiqarish, ularning bandligini ta’minlash hamda oilaviy tadbirkorlikni rivojlantirish borasida olib borilayotgan ishlar yuzasidan o‘rganish olib borildi. O‘rganish jarayonida “Quruqsoy” MFYda 2025–2026-yillar davomida doimiy ishga 17 nafar fuqaro joylashtirilgani, o‘zini o‘zi band qilish
bo‘yicha 300 nafar fuqaroga ko‘maklashilgani, 14 nafar fuqaro kasb-hunarga yo‘naltirilgani aniqlandi. Shuningdek, oilaviy tadbirkorlik bilan shug‘ullanish uchun 25 ta oilaga imtiyozli kredit ajratilgani hamda boshqa yo‘nalishlarda 7 nafar fuqaroga zarur amaliy yordam ko‘rsatilgani ma’lum bo‘ldi. Mazkur ishlar hududda aholi bandligini ta’minlash, daromad manbalarini kengaytirish hamda kambag‘allikni qisqartirish borasida olib borilayotgan tizimli ishlarning amaliy natijasi sifatida e’tirof etildi.