2024-yil 12-iyul kuni Xalq deputatlari Jomboy tuman Kengashi Doimiy
komissiyasining navbatdagi “Xalq deputatlari tuman Kengashining VI-chaqiriq bir yuz beshinchi sessiyasiga tayyorgarlik ko‘rish
to‘g‘risida”gi yig'ilishi bo‘lib o‘tdi. 

Xalq deputatlari Jomboy tuman Kengashi Doimiy komissiyasining yig‘ilish kun tartibida: 

1. Mahallalarda tadbirkorlikni rivojlantirish,
aholi bandligini ta’minlash va kambag‘allikni qisqartirish bo‘yicha kelib
tushayotgan murojaatlarni tahlil qilgan holda, 2024-yil 6-oy davomida hokim
yordamchilari faoliyatining natijadorligini o‘rganish to‘g‘risida.  

2. O‘zbekiston Respublikasi Prezidentining 2023-yil
31-yanvardagi “Oilaviy tadbirkorlikni rivojlantirish dasturlari doirasida
aholining biznes tashabbuslarini qo‘llab-quvvatlashni yangi bosqichga olib
chiqishga doir qo‘shimcha chora-tadbirlar to‘g‘risida”gi PQ-39-sonli qarorining
haqida. 

3. O‘zbekiston Respublikasi
Prezidentining 2022-yil 28-yanvardagi “2022-2026-yillarga mo‘ljallangan Yangi
O‘zbekistonning taraqqiyot strategiyasi to‘g‘risida”gi PF-60-so-nli Farmonini
ijrosi yuzasidan, Jomboy tumanining ijtimoiy-iqtisodiy rivojlanish darajasini
baholashning reyting ko‘rsatkichlari bo‘yicha amalga oshirilgan ishlar haqida. 

4. Tuman mahalliy budjet parametrlarining 2023 yil 1-chorak ijrosi to‘g‘risida; 

5.Jomboy tuman mahalliy budjetining xarajatlar qismiga o‘zgartirish kiritish haqida. 

6. Xalq deputatlari Jomboy tuman Kengashining 2024-yil
8-maydagi “Jomboy tumanining chegara chizig‘i chizmasi va tavsiflarini tasdiqlash
to‘g‘risida”gi VI-102-69-7-94-K/24-sonli qaroriga o‘zgartirish va qo‘shimchalar
kiritish haqida. 

7.Tuman hokimligi va bir qator yerdan foydalanuvchilar o‘rtasida yer ijara shartnomasini
tuzish choralarini ko‘rish to‘g‘risida. 

8. O‘zbekiston Respublikasi Prezidentining “Mehnat migratsiyasi
jarayonlarini takomillashtirish hamda xorijda vaqtincha mehnat faoliyatini amalga
oshirayotgan shaxslarni qo‘llab-quvvatlashga doir qo‘shimcha chora-tadbirlar to‘g‘risida”gi
PF-59-sonli Farmoni ijrosi to‘g‘risida. 

9. Xalq deputatlari Jomboy tuman Kengashi va doimiy komissiyalarining
2024-yilga mo‘ljallangan 2-yarim yillik ish rejasini tasdiqlash to‘g‘risida.  

va boshqa masalalar ko‘rib chiqildi va muhokama qilindi.